ހުޅުމާލޭގެ ދެ ވަނަ ފިޔަވަހީގެ ހިއްކި ބިމަށް ގަވާއިދާ ހިލާފަށް އަރައި އުޅުނު ސައިކަލެއް އެކްސިޑެންޓްވެ ދެ މީހަކަށް އަނިޔާވެއްޖެއެވެ.

ފުލުހުން ބުނީ ހުޅުމާލޭ ފޭސް 2 ގައި މަގު ބަންދުކުރަން ދަމާފައި ހުރި ހޮޅީގައި ޖެހިގެން ދެ ފިރިހެނަކަށް އަނިޔާ ވެފައިވާ ކަމަށާއި އެތަނުން އެކަކަށް ހުޅުމާލޭގައި ހުންނަ ޓްރީޓޮޕް ހޮސްޕިޓަލުގައި ފަރުވާ ދެމުންދާ ކަމަށެވެ. އެ އެކްސިޑެންޓުގެ ރިޕޯޓު ފުލުހުންނަށް ލިބުނީ ހުކުރު ދުވަހުގެރޭ 9:47 ހާއިރު ކަމަށް ފުލުހުން ބުންޏެވެ. މައުލޫމާތު ލިބިފައިވާ ގޮތުގައި އެމީހާގެ ހާލު ރަނގަޅެވެ. 

ހުޅުމާލޭގައި ހިނގި އެކްސިޑެންޓެއް ވެސް ރޭގައި ހިނގާފައި ވެއެވެ. ދެވަނަ އެކްސިޑެންޓަކީ ނިރޮޅުމަގުގައި ހުންނަ ވެލިގާ ހާޑްވެއާ ކުރިމަތީގައި ހިނގި އެކްސިޑެންޓެކެވެ. މަގުމަތީގައި ހިނގާފައި ދިޔަ އުމުރުން ދުވަސްވީ މީހެއްގެ ގައިގައި ސައިކަލަކުން ޖެހިގެން ހިނގި މި އެކްސިޑެންޓުގައި އެމީހާއަށް މާބޮޑު އަނިޔާއެއް ނުލިބޭ ކަމަށް ފުލުހުން ވަނީ ބުނެފައެވެ.