އެންމެ ފަހުން ބޭއްވި ދަ ވޮއިސްގެ އެއްވަނަ ބްރެން ކާޓެލީއަށް ލިބިއްޖެއެވެ.
ދަ ވޮއިސްގެ 14 ވަނަ ސީޒަނުގެ އެއްވަނައަށް ހޮވުނު ބްރެން ކާޓެލީއަކީ އުމުރުން 15 އަހަރުގެ ކުއްޖެކެވެ. އަދި އޭނާއަކީ ދަ ވޮއިސް ކާމިޔާބު ކުރި އެންމެ ހަގު ބައިވެރިޔާއެވެ.
ބެރެންއާއި އެކު ފައިނަލުގައި ވާދަކުރީ އުމުރުން 18 އަހަރުގެ ބްރިޓަން ވުޗަނަންއެވެ.
ބެރެންއަށް ކޯޗުކޮށްދިނީ އެމެރިކަން އައިޑަލްގެ ފުރަތަމަ ސީޒަން ކާމިޔާބުކުރި ކެލީ ކްލާސަންއެވެ. ބެރެންގެ ކާމިޔާބީއާއި ގުޅިގެން ބެރެން ކޮށްފައިވާ ޓްވީޓެއްގައި ބުނެފައިވަނީ އޭނާގެ މަސައްކަތްތައް ބަލައިގެންފައިވާތީ އެންމެނަށް ޝުކުރު އަދާކުރާކަމަށެވެ.
ދަ ވޮއިސްގައި މިފަހަރު ވަނީ ރާޔަން އެޑަމްސް، ޑުއާ ލިޕާ އަދި ބިގް ޝޯންގެ ހުށައެޅުންތައްވެސް ފެނިގެން ގޮސްފައެވެ.
