ވެރިމީހާ ގެއްލިގެން ހޯދި ސާމަރާ ދޫނި ފުލުހުން ހޯދައިދީފި
ފުލުހުން ސާމަރާ ދޫނި ހޯދައިދީ ވެރިފަރާތާއި މިހާރު ވަނީ ހަވާލުކޮށްފަ
ފުލުހުން ސާމަރާ ދޫނި ހޯދައިގެން ގެންދަނީ
މާލޭގައި ސާމަރާ ދޫންޏެއް ގެއްލިގެން ހޯދަމުން ދަނިކޮށް ފުލުހުން އޭތި ހޯދައި ވެރިފަރާތާއި ހަވާލު ކޮށްދީފިއެވެ.
ފުލުހުން ބުނީ އެ ދޫނި މިހާރު އޭގެ ވެރިފަރާތާއި ހަވާލު ކޮށްފައިވާ ކަމަށާއި، އެވައްތަރުގެ ސާމަރާ ދޫންނަކީ ރާއްޖެ އެތެރެ ކުރުމުގެ ހުއްދަ އޮތް އެއްޗެއް ކަމަށެވެ.
ފުލުހުން އެ ދޫނި ހޯދާފައި މި ވަނީ، އެ ސާމަރާ ދޫނި ގެއްލިގެން ބަޔަކު ސޯޝަލް މީޑިއާގައި ލިޔެ، އޭތި ހޯދައި ދިނުމަށް އެހީވުމަށް އެދިފައިވަނިކޮށެވެ. އަދި "ފައިންޑް ދަ ޕީކޮޮކް" ގެ ނަމުގައި ހަދާފައިފާ ޓްވިޓަރ އެކައުންޓަކުން އޭތިގެއްލިގެން ހޯދުމަށް އެހީތެރިވެދީ އޭތީގެ ހައްގުގައި ޚިޔާލު ފާޅުކުރަމުން ދަނިކޮށެވެ.
ރާއްޖެއެމްވީއަށް ލިބިފައިވާ ފޮޓޯއިން ފެންނަ ގޮތުގައި އެ ސާމަރާ ދޫނި ފުރަތަމަ އިނީ ގެއެއްގެ ފުރާޅުމަތީގައެވެ. އަދި ބެލެވޭ ގޮތުގައި އޭތި އެތަނުން ގެއްލިގެން އޭގެ ވެރިމީހާ އޭތީ ހޯދަން ފެށީކަމަށް ބެލެވެއެވެ. ދެވަނަ ފޮޓޯއިން ފެންނަ ގޮތުގައި ފުލުހުންގެ މީހަކު އޭތި ނަގައި ކިހިލި ޖަހާލައިގެން ގެއެއްގެ ތެރެއިން ނުކުންނަތަން ފެނެއެވެ.
ގެއްލިގެން ހޯދި ސާމަރާ ދޫނި
ފުލުހުންގެ ބެލުމުގެ ދަށަށް ސާމަރާދޫނި ނެގިފޮޓޯ ސޯޝަލް މީޑިއާގައި އާއްމުވުމުން ބައެއް މީހުން ހީކުރީ ފުލުހުން އޭތި ފުލުހުންގެ ބެލުމުގެ ދަށަށް ގެދިޔައީކަމަށެވެ. އެކަމަކު ފުލުހުން ކުރި މަސައްކަތަކީ އޭތި ހޯދައި އޭގެ ވެރިފަރާތާއި ހަވާލުކުރުމުގެ މަސައްކަތެވެ.
ސާމަރާ ދޫނި ހޯދުމަށް ފުލުހުން ހިންގި އޮޕަރޭޝަންގައި އޭތި ހޯދާފައި މި ވަނީ ގެއްލިގެން ހޯދާތާ ތިން ހަތަރު ދުވަހެއް ވީ ފަހުންނެވެ.
