ސާރާގެ ކެދާނަތު އަންނަ ނޮވެމްބަރުގައި

ސާރާ އަލީ ޚާން ބޮލީވުޑްގައި ފުރަތަމަ ކުޅުނު ފިލްމު ކެދާނަތު އަންނަ ނޮވެމްބަރު މަހުގައި ރިލީޒްކުރާ ގޮތަށް ހަމަޖެހިއްޖެއެވެ.

އެކަން ފިލްމްގެ ޑައިރެކްޓަރު އަބީޝެކް ކަޕޫރް ކުރި ޓްވީޓެއްގައި ވަނީ ކަށަވަރުކޮށް ދީފަ އެވެ.

މި ފިލްމު ޝޫޓް ކުރުމަށްފަހު ޖެހުނު މައްސަލަތަކެއްގެ ސަބަބުން ފިލްމު ވަނީ ސިނަމާތަކަށް ގެނައުމަށް ލަސްވެފައެވެ. އެއީ ކްރިއާޖް އެންޓަޓައިންމަންޓުން ފައިނޭންސް ކުރި ފިލްމްގެ ޑައިރެކްޓަރާއި އެ ކުންފުންޏާ ދޭތެރޭ ޖެހުނު މައްސަލަތަކެކެވެ. ކެދާނަތަކީ އިންޑިއާގެ ދީނީ އަގީދާ ފެނިގެންދާ ލޯބީގެ ފިލުމެކެވެ. ހިންދޫ އަންހެން ކުއްޖެއްގެ މެދުގައި އުފެދޭ ލޯބީގެ ވާހަކައެއްގެ މައްޗަށް ބިނާކޮށް އުފައްދާފައިވާ ފިލްމެކެވެ.

ސާރާއާއި އެކީ މި ފިލްމުން ފެނިގެންދާނީ ސުޝާންތް ސިންގް ރާޖްޕުތުއެވެ. އެ ފިލްމުގެ ވާހަކަ އަކީ އެކްތާ ކަޕޫރުގެ ވާހަކައެކެވެ.

މި ފިލްމު ރިލީޒްވުމުގެ ކުރިން އެހެން ފިލްމަކަށް ސޮއި ނުކުރާނެކަމަށް ސާރާ ބުނި ކަމުގައިވިއަސް ފިލްމު އެޅުވުން އެތައް ދުވަހަކަށް ލަސްވުމާ ގުޅިގެން އޭނާ ވަނީ ސާރާ ވަނީ ކަރަން ޖޯހަރް ޕްރޮޑިއުސް ކުރާ ފިލްމަކަށް ސޮއިކޮށްފަ އެވެ. އެއީ ރޯހިތު ޝެޓީގެ ސިމްބާއެވެ.