މާކުންބެއިން ބަނޑުހައިގެ ނަމުގައި މެގަޒިންއެއް ލޯންޗުކޮށްފި
މި މެގަޒިން ލޯންޗުކޮށްދެއްވީ ބަދިގެޑޮޓްކޮމްގެ ފައުންޑަރ
މެގަޒިން ލޯންޗުކުރުމުގެ ތެރެއިން
މާކުންބެގެ ފަރާތުން "ބަނޑުހައި" ގެ ނަމުގައި އައު މެގަޒިންއެއް އެފްއެންޑްބީ ޝޯގެ ތެރެއިން މިއަދު ލޯންޗުކޮށްފިއެވެ.
މި މެގަޒިން ލޯންޗުކޮށްދެއްވީ ބަދިގެޑޮޓްކޮމްގެ ފައުންޑަރ މުހައްމަދު ބައްސާމް އާދަމްއެވެ.
މެގަޒިން ލޯންޗުކޮށްދެއްވަމުން ބައްސާމް ވިދާޅުވީ މި މެގަޒިންއަކީ ރެސްޓޯރެންޓުތައް އިޝްތިހާރު ކުރުމަށް ލިބިގެންދާ ވަރަށް ބޮޑު ފުރުސަތެއް ކަމަށާއި މިއީ މާކުންބެގެ ފަރާތުން ލޯންޗުކުރި ވަރަށް މުހިންމު ޕްރޮޑަކްޓެއް ކަމަށެވެ.
މި މެގަޒިން އަކީ ކާބޯތަކެތީގެ ދާއިރާއަށް ހާއްސަކޮށްގެން ނެރޭ މެގަޒިންއެކެވެ. އަދި މި މެގަޒިން މެދުވެރިކޮށް އެކި ޝެފުންގެ ހިޔާލުތަކާއި ހޮސްޕިޓަލިޓީ ދާއިރާއިންވެސް ކުރިއަރަމުން އަންނަ ފަރާތްތަކުގެ މައުލޫމާތުވެސް ހިއްސާކުރެވިގެންދާނެއެވެ.
މާކުންބެގެ ޑެޕިއުޓީ ސީއީއޯ ހުސެއިން ރަމީޒް ވިދާޅުވީ މި މެގަޒިންގައި ޑައިޓްކުރުމަށް ބޭނުންކުރާނެ އެކި ރެސިޕީތަކާއި ރާއްޖޭގެ ސަޤާފީ ކެއުންތަކުގެ މައުލޫމާތު މެގަޒިން މެދުވެރިކޮށް ހިއްސާކުރެވިގެންދާނެ ކަމަށެވެ.
މިއަހަރުގެ ޖޫން މަހު މެގަޒިންގެ ފުރަތަމަ ޕަބްލިކޭޝަން ނެރޭނެ ކަމަށް މަކުންބެ އިން ބުންޏެވެ.
މީގެ އިތުރުން މެގަޒިންގައި އެކި ފަރާތްތަކުގެ އިޝްތިހާރު ޖެހުމުގެ ފުރުސަތު ހުޅުވާލާފައިވާއިރު އެފްއެންޑްބީ ޝޯގެ ތެރެއިން ރަނގަޅު އަގުތަކެއްގައި އިޝްތިހާރު ޖެހުމުގެ ފުރުސަތު ހުޅުވާލާފައިވާ ކަމަށްވެސް މާކުންބެ އިން ވަނީ ބުނެފައެވެ.
މާކުންބެ އިން ވަނީ ރެސްޓޯރަންޓްތަކުން ކާނާ އޯޑަރު ކުރުމަށް ބޭނުންކުރެވޭ އާ ސްމާޓްފޯނު އެޕްލިކޭޝަނެއް މިދިޔަ އަހަރު ލޯންޗުކޮށްފައެވެ.
