ޕިކްސާގެ އާ ކުރު ފިލްމަކީ ބާއޯ

މަޝްހޫރު އެނިމޭޓެޑް ފިލްމުތައް އުފައްދާ ޕްރޮޑަކްޝަން ހައުސް ޕިކްސާގެ އާ ކުރު ފިލްމުގައި ޑައިރެކްޝަނަކަށް ފުރަތަމަ ފަހަރަށް އަންހެން މީހަކު ވަނީ ހަމަޖައްސާފައެވެ.

"ބާއޯ"ގެ ނަމުން ނަންދީފައިވާ މި އެނިމޭޓެޑް ފިލްމުގެ ޓްރެއިލާ މިހާރު ވަނީ ނެރެފައެވެ.

އަންނަ ޖޫން މަހުގެ 15 ގައި ރިލީޒްކުރާ މިފިލްމު ޑައިރެކްޓް ކުރުމުގެ ލަގަބު ލިބިފައި ވަނީ ޑައިރެކްޓަރ ޑޮމީ ޝީއަށެވެ. މި ފިލްމަކީ ޗައިނާގެ މަންމައަކަށް ދިމާވާ އެކަނިވެރިކަމުގެ މައްޗަށް ބިނާކޮށް އުފައްދާފައިވާ ހާދިސާއެކެވެ. އޭނާ އެކަނިވެރިކަމުގައި އުޅޭއިރު އޭނާ ކެއުމަށް ބޭނުންކުރާ ޑަމްޕްލިންއަކުން "ބާއޯ" ކިޔާ އެއްޗެއް އޭނާ އުފައްދައެވެ. އެ "ބައޯ" އަށް ދިރުން ލިބެއެވެ. މި ފިލްމުގައި ފެނިގެންދަނީ އެ "ބާއޯ" އާއި އޭނާގެ ހަޔާތެވެ.

ފިލްމާ ގުޅޭ ގޮތުން ޑޮމީ ޝީ ބުނެފައި ވަނީ އޭނާއަށް މި ފިލްމުގެ އުފެއްދުމުގެ އެންމެ ބޮޑު އެހީތެރިކަމެއް ލިބެނީ އޭނާގެ މަންމަގެ ފަރާތުން ކަމަށެވެ. އެގޮތުން ޑަމްޕްލިން އިން ކާއެއްޗެހި އުފައްދަން އޭނާގެ މަންމައަށް އެނގޭ ކަމަށާއި "ބާއޯ"ގެ މަންމަގެ ކެރެކްޓާއަކީ އޭނާގެ މަންމަގެ ކެރެކްޓާއާ ގުޅޭ ގޮތަށް އުފައްދާފައިވާ ކެރެކްޓާއެއް ކަމަށެވެ. އަދި ފިލްމު އުފެއްދުމަށް އޭނާއަށް އެކި ގޮތް ގޮތުން މަންމަ އެހީތެރިވާ ކަމަށް ޝީ ވަނީ ބުނެފައެވެ.