އޮސްޓްރޭލިއާއިން ފުރައިގެން އިތުރު އެއަރޕޯޓެއްގައި މަޑުނުކޮށް ލަންޑަނަށް ދަތުރުކުރި ފުރަތަމަ ފްލައިޓް ލަންޑަންގެ ހީތްރޯ އެއަރޕޯޓްގައި ޖައްސައިފިއެވެ.

ކުއަންޓަސްގެ ފްލައިޓް ކިޔުއެފް9 ގެ 14،498 ކިލޯމީޓަރުގެ ދަރު ފުރިހަމަކޮށްފައިވަނީ 17 ގަޑިއިރުންނެވެ.

މި ދަތުރުގައި ބޭނުންކޮށްފައިވަނީ ބޯއިންގް 9-787 ޑްރީމްލައިނަރއެވެ. މިއީ ބޯއިންގް 747 އަށްވުރެ ތެލުގެ ޚަރަދު ކުޑަ ބޯޓެކެވެ.

މިއީ ކުއަންޓަސްއިން ދިގު ރާސްތާގެ ދަތުރުތައް އެ އެއަރލައިންގެ ޝެޑިއުލަށް އިތުރުކުރުމަށް ކުރަމުންދާ އުއްމީދުގެ ތެރެއިން ހާސިލްކޮށްފައިވާ ކަމެކެވެ.

އޮސްޓްރޭލިއާގެ ގައުމީ އެއަރލައިންގެ ޗީފް އެގްޒެކްޓިވް އެލަން ޖޮއިސް ސިފަކުރައްވާފައިވާގޮތުގައި  މި ކަމަކީ"ގޭމް ޗޭންޖިން" ކަމެކެވެ.

ޕަރތުން ލަންޑަނަށް ދިޔަ ފްލައިޓް ޖެއްސުން ފާހަގަކުރުމަށް ބޭއްވި ރަސްމިއްޔާތުގައި އޭނާ ވިދާޅުވީ "ކެންގަރޫ ރޫޓް"ގެ ގޮތުގައި ކިޔަމުންދާ ކުރީގެ ރޫޓުން ހަތަރު ދުވަސް ނަގާއިރު ހަތް އެއަރޕޯޓެއްގައި މަޑުކުރަން ޖެހޭކަމަށެވެ.

ވެސްޓަރން އޮސްޓްރޭލިޔާގެ ސަރަހައްދީ ސަރުކާރުން އުއްމީދު ކުރަނީ މި ދަތުރުތަކާއިއެކު ޓޫރިސްޓުން އަންނަ މިންވަރު އިތުރުވެގެންދާނެކަމަށެވެ.