ކ. މާލެ
|
10 ފެބްރުއަރީ 2018 | ހޮނިހިރު 12:07
ކޮންމެ ދުވަހަކު އާދަވެގެން ބޯ ދޮވެ ހަދާ ނަމަ އިސްތަށިގަނޑާއި، އިސްތަށީގެ ބުޑުގައި ހުންނަ ގުދުރަތީ ތެއުކަން ގެއްލިދޭ
ކޮންމެ ދުވަހަކު އާދަވެގެން ބޯ ދޮވެ ހަދާ ނަމަ އިސްތަށިގަނޑާއި، އިސްތަށީގެ ބުޑުގައި ހުންނަ ގުދުރަތީ ތެއުކަން ގެއްލިދޭ
ގޫގުލް
ސިއްހަތު
ކޮންމެ ދުވަހަކު ބޯ ދޮވުން، އެއްގޮތަކަށް ވެސް ކަމުދާ ކަމެއް ނޫން..
 
މާ ގިނައިން ބޯ ދޮންނަ ނަމަ ބޮލުގެ ގުދުރަތީ އަސްލުކުލަ ގެއްލޭ
 
ހަފްތާއަކު ތިން ފަހަރަށް ވުރެ ގިނަ އިން ބޯ ދޮވުން ރަނގަޅެއް ނޫން

ކޮންެމެ ދުވަހަކު ނުވަތަ ދުވާލު ދެ ފަހަރު ވެސް ބައެއް މީހުން ބޯ ދޮވުގެ އާދަ ގެންގުޅެފާނެއެވެ. ޖެހިޖެހިގެން ދެ ދުވަހު ބޯ ނުދޮވެ ހުންނަން އުނދަގޫ ވެސް ވެދާނެއެވެ. އަދި ކޮންމެ ދުވަހަކު ދޮންނަށް އާދަވެފައި ހުންނަ މީހާއަށް ނުދޮވެ ހުންނަން އިންތިހާއަށް އުނދަގޫ ވެސް ވާނެއެވެ .އެކަމަކު ވެސް ރަނގަޅު ވާހަކައެއް ބުނަން ހެއްޔެވެ؟ އެއީ އެއްގޮތަކަށް ވެސް ކުރަން ރަނގަޅު ކަމެއް ނޫނެވެ. ތަޖުރިބާކާރުން ބުނާ ގޮތުގައި އެންމެ އަވަހަށް ދޮންނަން ބޭނުން ނަމަވެސް ހަފްތާއަކު ތިން ފަހަރަށް ވުރެ ގިނަ ކުރުން ރަނގަޅެއް ނޫނެވެ. ނޫން ނަމަ ލިބޭ ގެއްލުން ވަރަަށް ބޮޑެވެ.

ކޮންމެ ދުވަހަކު ބޯ ނުދޮންނަންވީ ސަބަބުތައް:

ބޮލުގެ ގުދުރަތީ ތެތްކަން ނެތި ދިއުން

ކޮންމެ ދުވަހަކު އާދަވެގެން ބޯ ދޮވެ ހަދާ ނަމަ އިސްތަށިގަނޑާއި، އިސްތަށީގެ ބުޑުގައި ހުންނަ ގުދުރަތީ ތެތްކަން ގެއްލިދެއެވެ. މި ތެތްކަމަކީ ހަށިގަނޑުން އުފައްދައިދޭ، އިސްތަށިގަނޑަށް ކޮންމެހެން ބޭނުން ތެތްކަމެކެވެ. ކޮންމެ ދުވަހަކު ނުވަތަ ގިނަ އިން ބޯ ދޮންނަ ނަމަ ބޮލަށް ގުދުރަތީ ގޮތުން ލިބެމުން އަންނަ ފަރުވާއަށް ތިޔަ ހުރަސް އަޅަނީއެވެ. ނަތީޖާއަކަށް ވަނީ އިސްތަށިތަކުގެ ބުޑު އަދި އިސްތަށިގަނޑު ހިކި ހަލާކުވުމެވެ. ބަލިކަށިވުމެވެ.

ބޮލުގެ ގުތުރަތީ ކުލަ ގެއްލުން:

މާ ގިނަގިނަ އިން ބޯ ދޮންނަ ނަމަ ބޮލުގެ ގުދުރަތީ އަސްލުކުލަ ގެއްލެއެވެ. ބޮލުގައި ކުލަ ޖަައްސަން ބޭނުންވާ ފަރާތްތަކުންވެސް އެންމެ ރަނގަޅު ގޮތަކީ ހަފްތާއަކު ތިން ފަހަރު ބޯ ދޮވުމެވެ. ބޯ ތަތްވެފައި ހުރުމަކީ ވަރަށް އުނދަގޫ ކަމަކަށް ވެއެވެ. އެހެންނަމަވެސް ހެއަރ އެކްސްޕާޓުން ވިދާޅުވާ ގޮތުގައި، ބޮލުގެ ގުދުރަތީ ތެތްކަމުގެ ސަބަބުން އިސްތަށިގަނޑު ސްޓައިލްކޮށްލަން ފަސޭހަވެއެވެ.

ހަރަދުވެސް ބޮޑުކަމެއް

އާދަވެ ކޮންމެ ދުވަހަކު ބޯ ދޮވެ ހެދުމަކީ ހަރަދު ވެސް ބޮޑު ކަމެކެވެ. ސަބަބަކީ އިސްތަށިގަނޑާ ގުޅޭ މޮޅު ޝޭމްޕޫއެއް ހޯދުމަކީ އުދަގޫ ކަމަކަށް ވެފައި ބްރޭންޑެޑް ޝޭމްޕޫ އަގުބޮޑުވުމެވެ. އަދި ގުޅޭ ކަންޑިޝަނަރތައް ވެސް އެހާމެ އަގުބޮޑުވުމެވެ. ބޯ ދޮވުން މަދުކޮށްލުމުން ޝޭމްޕޫ ޚަރދު ކުޑަވެ ފެނުގެ ޚަރަދު ވެސް ކުޑަވެއެވެ. އެއާ އެކު ކެމިކަލް ފަދަ މާއްދާތައް ބޭނުންކޮށްގެން އުފައްދާފައި ހުންނަ ޝޭމްޕޫ ބޭނުންކޮށްގެން ކޮންމެ ދުވަހަކު ބޯ ދޮވުމުން ބޮލަށް ލިބޭ ފައިދާ އަށް ވުރެ ލިބޭ ގެއްލުން މަ ބޮޑެވެ.

ބޯ ދޮވުމަށްފަހު ހިއްކުން:

ބޯ ދޮވުމަށް ފަހު ހިއްކުމަށް މިހާރު ގިނަ ބަޔަކު ބޭނުންކުރަނީ ހެއަރ ޑްރަޔަރއެވެ. އެކަމުގެ ސަބަބުން އިސްތަށިގަނޑާއި އިސްތަށިތަކުގެ ބުޑަށް ހޫނުވެ ނުހަނު ބޮޑަށް ގެއްލުން ލިބެއެވެ. ނަތީޖާއަކަށް ވަނީ ބޮލުގެ ގުދުރަތީ ތެތްކަން ގެއްލި، އޮފު ކެނޑި އިސްތަށިގަނޑު ހިކިވެ ދެކަފި ވުމެވެ. ހެއާރ އެކްސްޕާޓުން ލަފާދެއްވާ ގޮތުގައި ދުޅަހެޔޮ އިސްތަށިގަނޑަކަށް އެންމެ މުހިންމީ ގުދުރަތީ ކާނާ އާއި އެކު، އިސްތަށިގަނޑު ވެސް ރީއްޗަށް ބެލެހެއްޓުމެވެ. އެކަމަކު ކެމިކަލް އެކުލެވޭ ޝޭމްޕޫ އާއި ކޮންޑިޝަނާ ބޭނުންކޮށްގެން ކޮންމެ ދުވަހަކު ބޯ ދޮވެގެނެއް ނޫނެވެ. ފަރުވާތެރިކަމާ އެކު އިސްތަށިގަނޑަށް ދޭން ޖެހޭ ވަރަށް ސަމާލުކަންދީގެންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
15%
8%
8%
8%
62%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ