ސަރުކާރުން ރައްޔިތުންނަށް ފޯރުކޮށްދޭ ހިދުމަތްތަކުގައި ގާނޫނީ ހުރަހެއް ވާނަމަ އެ ހުރަސް ނައްތާލާނަން: ޕީޕީއެމް
3 ފެބުރުއަރީ 2018 | ހޮނިހިރު 19:22މިއަދު ކުރެވުނު މަސައްކަތްތަކުން ފަނޑިޔާރާ އަދި ބައްދަލެއް ނުވޭ
ޕީޕީއެމްގެ ޕީޖީ ގްރޫޕްގެ މެމްބަރުން
ސަރުކާރުން ރައްޔިތުންނަށް ފޯރުކޮށްދޭ ހިދުމަތްތަކުގައި ގާނޫނީ ހުރަހެއްވާ ކަމުގައިވާ ނަމަ އެ ހުރަސް ނައްތާލުމުގެ ގޮތުން ގާނޫނަށް ގެންނަން ޖެހޭ އިސްލާހު ގެނައުމާއި ނުވަތަ އާ ގާނޫނެއް ހަދަން ޖެހިއްޖެ ހާލަތެއްގައި އެކަން ވެސް ކުރައްވާނެ ކަމަށް ސަރުކާރު ހިންގާ މައި ޕާޓީ ޕީޕީއެމްގެ ނާއިބު ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
ވަކި މީޑިއާތަކަށް ވަދެވޭ ގޮތަށް ސުވާލު ކުރުމުގެ ފުރުސަތު ނުދީ ޕީޕީއެމް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަބްދުއްރަހީމް ވިދާޅުވީ ފަނޑިޔާރުންގެ ބެންޗް ބަދަލު ކުރާނެ ކަމަށް ބުނެ އިދިކޮޅު ކޯލިޝަނުން ދައްކާ ވާހަކަތަކަކީ ދޮގު ވާހަކަތަކެއް ކަމަށެވެ.
އަބްދުއްރަހީމް ވިދާޅުވީ އެ ޕާޓީން މަސައްކަތް ފެށި އިރު މަޖިލީހުގައި ވެސް މެޖޯރިޓީ ނެތް ކަމަށާއި ނަމަވެސް ފަހަތަށް ނުޖެހި ކުރި މަސައްކަތް މެޖޯރިޓީ ހޯދި ކަމަށެވެ. އަބްދުއްރަހީމް މިހެން ވިދާޅުވި އިރު ޕީޕީއެމް އަށް މަޖިލީހުގައި މިހާރު ވަނީ މެޖޯރިޓީ ގެއްލިފައެވެ.
މި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓޫރިޒަމް މިނިސްޓަރ މޫސާ ޒަމީރު ވިދާޅުވީ އިއްޔެ އުއްތަމަ ފަނޑިޔާރާ ބައްދަލު ކުރެއްވުނު ކަމަށް ބަންޑާރަ ނައިބު ވިދާޅުވެފައިވާ ކަމަށާއި އެހެން ނަމަވެސް މިއަދު ކުރެވުނު މަސައްކަތްތަކުން އަދި ބައްދަލުކުރެވިފައިނުވާ ކަމަށެވެ.
ސުޕްރީމް ކޯޓުން އަމުރު ނެރުމާ ގުޅިގެން ސަރުކާރު ހިންގާ މައި ޕާޓީ އިން ދަނީ ވަރަށް ގިނަ އިން ނޫސްވެރިންގެ ބައްދަލުވުންތައް ބާއްވަމުންނެވެ. ނަމަވެސް މި ބައްދަލުވުންތަކަށް ރާއްޖެ ޓީވީ ނުވައްދައެވެ.
