ދިރާގަށް ހަތަރު ވަނަ ކުއާޓަރުގައި ފައިދާގެ ގޮތުގައި 200 މިލިއަން އަށް ވުރެ ގިނަ ރުފިޔާ ލިބިއްޖެ

ދިރާގަށް ހަތަރު ވަނަ ކުއާޓަރުގައި ފައިދާގެ ގޮތުގައި 234 މިލިއަން ރުފިޔާ ލިބިއްޖެއެވެ.

މިއީ ކުރީ ކުއަޓާއާ އަޅާ ބަލާއިރު 11 ޕަސަންޓްގެ ކުރިއެރުމެކެވެ.

ދިރާގުން ޖެނުއަރީ 30 ވަނަ ދުވަހު އާންމުކުރި 2017 ވަނަ އަހަރުގެ ފަހު ކުއާޓަރުގެ މާލީ ތަފާސް ހިސާބުތައް ދައްކާ ގޮތުގައި، އެ ކުއާޓަރުގައި ދިރާގަށް އާމްދަނީގެ ގޮތުގައި ލިބުނީ 698 މިލިޔަން ރުފިޔާއެވެ. އޭގެ ކުރީ އަހަރުގެ ހަތަރު ވަނަ ކުއާޓަރުގައި ދިރާގަށް ލިބުނީ 642 މިލިޔަން ރުފިޔާގެ އާމްދަނީ އެކެވެ.

މިދިޔަ އަހަރުގެ ފަހު ކުއާޓަރުގައި ފައިދާގެ ގޮތުގައި ދިރާގުން ވަނީ 234 މިލިޔަން ރުފިޔާ ހޯދާފައެވެ.

މިދިޔަ އަހަރުގެ ފަހު ތިން މަސް ދުވަހުގެ ތެރޭގައި ހިއްސާއަކަށް ޖެހުނު ފައިދާއަކީ 3.08 ރުފިޔާއެވެ. އަދި ދިރާގުން މިދިޔަ އެ މުއްދަތުގައި ވަނީ ގިނަ އާ ހިދުމަތްތަކެއް ވެސް ތައާރަފުކޮށްފައެވެ.

ދިރާގުން ވުނީ މީގެ އިތުރުން އެ ކުންފުނީގެ މުވައްޒަފުންގެ ކުރިއެރުމަށްޓަކައި ވެސް ގިނަ ޕްރޮގްރާމްތަކެއް ރާވާ ހިންގާފައިވާ ކަމަށެވެ.