ވެލްކަމް ޓު ނިއުޔޯކްގެ ޓްރެއިލާ ނެރެފި
24 ޖެނުއަރީ 2018 | ބުދަ 05:55މި ފިލްމު ރިލީޒްކުރާނީ އަންނަ މަހުގެ 23 ގައި
ވެލްކަމް ޓު ނިއުޔޯކް، ޓްރެއިލާގެ ސްކްރީން ޝޮޓެއް | ގޫގުލް
ބޮލީވުޑްގެ ފިލްމެއް ކަމަށްވާ "ވެލްކަމް ޓު ނިއުޔޯކް" ގެ ޓްރެއިލާ ނެރެފިއެވެ.
މި ފިލްމުން ފެނިގެންދާނީ ދިލްޖީތު ދޯސަންޖް، ކަރަން ޖޯހަރް، ސޮނާކްޝީ ސިންހާ، ލާރާ ދައްތާ، ބޯމަން އިރާނީ، ރިތޭޝް ދޭޝްމުކް އަދި ރާނާ ދަގުބަތީއެވެ.
ދެ މިނިޓާއި ތިރީސް ސިކުންތުގެ މި ޓްރެއިލާ އިން ނިމިގެންދިޔަ އައިފާ އެވޯޑްގެ މަންޒަރުތައް ވެސް ވަނީ ހިމަނާފައެވެ. ނިމިގެންދިޔަ އައިފާ އެވޯޑް ބާއްވާފައި ވަނީ ނިއުޔޯކްގައެވެ.
މި ޓްރެއިލާ އިން ފެންނަ ގޮތުގައި ކަރަން ޖޯހަރު ފެނިގެންދަނީ ޑަބަލް ރޯލަކުންނެވެ. އަދ ސޮނާކްޝީ ސިންހަ ފެނިގެންދަނީ ފެޝަން ޑިޒައިނަރެއްގެ ރޯލުންނެވެ. މިއީ ކޮމެޑީ ފިލްމެކެވެ.
މި ފިލްމު ރިލީޒްކުރާނީ އަންނަ މަހުގެ 23 ގައެވެ. މިއީ އިންޑިއާގެ ފިލްމުތަކުގެ ތެރެއިން ރިލީޒްކުރާ އެންމެ ފުރަތަމަ 3ޑީ ކޮމެޑީ ފިލްމެވެ. މި ފިލްމު ޑައިރެކްޓްކޮށްފައި ވަނީ ޗަކްރީ ޓޮލެޓީއެވެ.
