ޕަދްމާވަތުގައި ރަންވީރުގެ ފެނިލުން: ގޭމް އޮފް ތުރޯންސްގެ ކާލް ޑްރޯގޯ ފެނިލުމާއި އެއްގޮތް؟

ޕަދްމާވަތުގައި ރަންވީރުގެ ފެނިލުން އެއްގޮތްކޮށްފައިވަނީ ގޭމް އޮފް ތުރޯންސްގެ ކާލް ޑްރޯގޯގެ ފެނިލުމާއި އެއްގޮތަށް ކަމަށް އޭނާގެ ފިޓްނެސް ޓްރެއިނާ ބުނެފިއެވެ.

ރަންވީރު ޕަދްމާވަތުގައި އަދާކުރަނީ އިންޑިއާގައި ކުރިން ވެރިކަން ކުރެއްވި ރަސްކަލެއް ކަމަށްވާ އަލާއުއްދީން ޚިލްޖީގެ ރޯލެވެ.

އޭނާގެ ފިޓްނަސް ޓްރެއިނަރ ބުނެފައިވަނީ ޕަދްމަވަތުގެ ޝޫޓިން ފެށުމުގެ ކުރިން އޭނާ އާއި ރަންވީރާއި ދެމީހުން ޚިލްޖީ ހުންނާނީ ކިހިނެތް ކަމާއިމެދު ވާހަކަ ދެއްކިކަމަށެވެ. ދެމީހުންގެ ވެސް ހުރީ އެއް ޚިޔާލެއްކަމަށާއި ދެމީހުންނަށް ވެސް ސިފަވީ ގޭމްސް އޮފް ތުރޯންސްގައި އުޅޭ ކާލް ޑްރޯގޯ ކަމަށް އޭނާ ބުނެފައިވެއެވެ. އަދި އޭނާއަށް ވުމަށް ރަންވީރުގެ ހަށިގަނޑަށް ބަދަލު ގެނައުމަށް ޓްރެއިނިން ފެށީކަމަށް އޭނާ ބުންޏެވެ.

"ކާލް ޑްރޯގޯ ގޮތަށް ރަންވީރުގެ ބޮޑީ ފިޓް ކުރަން މަސައްކަތް ކުރަން ފެށީ. އެ ފިލްމުގައި އެގޮތަށް އޭނާގެ ބޮޑީ ފިޓް ކުރެވުމުން ވަރަށް އުފާވި. އަހަރެމެން ބޭނުންވި މީހާއާއި އެއްގޮތް ކުރެވުމުން" އޭނާ ބުންޏެވެ.

ޕަދްމާވަތުގެ ޝޫޓިން ފެށުމުގެ ކުރިން ރަންވީރުކައިރިން އޭނާ މި ފިލްމުން ފެނިގެން ދާނީ ކިހިނެތް ކަމާމެދު ސުވާލު ކުރުމުން ބުނެފައި ވަނީ އޭނާ ހުރީ ވަރަށް ބިރުން ކަމަށާއި އޭނާ އެފިލްމުގައި ކުޅެނީ "އެންޓި ހީރޯ" ގެ ބައެއް ކަމަށެވެ.

"އަހަންނަށް އެނގޭނީ އެ ފިލްމު ބަލާލުމުން ހުންނާނީ ކިހިނެތް ކަމެއް. އަހަރެން ފެންނާނެ ގޮތަކީ ކޮބައިކަމެއް ނޭނގޭ. އެއީ ކަންނޭނގެ މި ފިލްމަށް އާނއެކޭ ބުނަން އެހާ ދުވަސް ނެގި އެއް ސަބަބަކީ" ރަންވީރު މީގެ ކުރިން ދީފައިވާ އިންޓަވިއުއެއްގައި ވަނީ ބުނެފައެވެ.

ރަންވީރު ފެނިގެންދާ ޕަދްމާވަތު ސިނަމާތަކަށް އަންނާނީ މިމަހުގެ 25 ގައެވެ.