މިދިޔަ އޮގަސްޓް މަހު ރިލީޒް ކުރި ޝާހުރުކް ހާންއާއި އަނުޝްކާ ޝަރުމާގެ ފިލްމް "ޖަބް ހެރީ މެޓްސޭޖަލް" ފޮލޮޕްވުމާ ގުޅިގެން ފިލްމުގެ ޑިސްޓިބިޔުޓަރުންނަށް ޝާހުރުކް ހާން ގެއްލުމުގެ ބަދަލުދީފިއެވެ. 

ފިލްމުގެ ޕްރޮޑިޔުސަރުގެ ހައިސިއްޔަތުން ޝާހުރުކް ހާން ފިލްމުގެ ޑިސްޓިބިޔުޓަރުންނަށް ގެއްލުމުގެ ބަދަލު ދީފައިވާއިރު ޓިޔުބްލައިޓް ފޮލޮޕްވުމުގެ ސަބަބުން ފިލްމުގެ ޑިސްޓިބިޔުޓަރުންނަށް ލިބުނު ގެއްލުމުގެ ބަދަލު އެ ފިލްމުގެ ޕްރޮޑިޔުސަރު އަދި ސްޕަސްޓާ ސަލްމާން ހާން ވެސް ވަނީ ދީފައެވެ. 

އިމްތިޔާޒް އަލީ ޑައިރެކްޓް ކުރި ފިލްމް "ޖަބް ހެރީ މެޓް ސޭޖަލް" ފޮލޮޕްވުމާ ގުޅިގެން ފިލްމުގެ ޑިސްޓިބިޔުޓަރުންނަށް ގެއްލުމުގެ ބަދަލު ދިނުމަށް ފަހު ޝާހުރުކް ހާން ބުނީ އޭނާ އުފައްދާ ފިލްމަކުން ލިބޭ ގެއްލުން އެހެން ބަޔަކު އުފުލަން ޖެހުން އެއީ އޭނާ ގަބޫލު ކުރާ ކަމެއް ނޫން ކަމަށެވެ. އަދި ހާއްސަކޮށް އޭނާ އުފެއްދި ފިލްމެއް ފްލޮޕްވުމުން ފިލްމުގެ ޑިސްޓިބިޔުޓަރުންނަށް ބޮޑު ގެއްލުމެއް ލިބުމަކީ އޭނާ އެދޭ ކަމެއް ނޫން ކަމަށް ވެސް ޝާހުރުކް ހާން ބުނެފައިވެއެވެ. 

އިމްތިޔާޒު ޑައިރެކްޓް ކުރި މި ފިލްމު އުފެއްދީ 100 ކްރޯޑުގެ ބަޖެޓަކުންނެވެ. މި ފިލްމަށް ލިބުނީ 64.33 ކްރޯޑު ރުޕީސް އެވެ. އަދި ފިލްމުގެ ޑިސްޓްރިބިއުޓަރު އެންއެޗް ސްޓޫޑިއޯއަށް ވީ ގެއްލުމުގެ 15 ޕަސެންޓް ބަދަލެއްގެ ގޮތުގައި ޝާހުރުކް ހާން ވަނީ ދީފައެވެ. އެ ފިލްމުގެ ޑިސްޓްރިބިއުޝަން ރައިޓްސް އެ ސްޓޫޑިއޯ އަށް ވިއްކާލާފައި ވަނީ 80 ކްރޯޑް ރުޕީސް އަށެވެ.

މި ފިލްމުގައި ޝާހްރުކް ފެނިގެންދަނީ ޕަންޖާބީ ޓުއާ ގައިޑެއްގެ (ހެރީ) ރޯލުންނެވެ. އަދި އަނުޝްކާ ފެނިގެންދާނީ ގުޖްރާތަށް ނިސްބަތްވާ އަންހެން ކުއްޖެއްގެ (ސޭޖަލް) ރޯލުންނެވެ.