އީރާނަށް 6.3 މެގްނިޓިއުޑްގެ ބިންހެލުމެއް އައިސްފި
1 ޑިސެމްބަރު 2017 | ހުކުރު 04:25ބިންހެލުން އައިސްފައިވަނީ އީރާނުގެ އިރުމަތިން ކަރްމަން ސިޓީ ކައިރިއަށް 6.3 މެގްނިޓިއުޑްގައި
ބިންހެލުން އައިސްފައިވަނީ ކަރްމަން ސިޓީގެ ކައިރިން ބިމުގެ 10 ވަރަކަށް ކިލޯމީޓަރު އަޑިން ކަމަށް ސީސިމޮލޮޖިކަލް ސެންޓަރުތަކުން ބުނޭ
އީރާނުގެ އިރުމަތިން ކަރްމަން ސިޓީ ކައިރިއަށް 6.3 މެގްނިޓިއުޑްގެ ބިންހެލުމެއް އައިސްފި ކަމަށް ސީސިމޮލޮޖިކަލް ސެންޓަރުތަކުން ރިޕޯޓްކޮށްފިއެވެ.
ބިންހެލުން އައިސްފައިވަނީ ކަރްމަން ސިޓީގެ ކައިރިން ބިމުގެ 10 ވަރަކަށް ކިލޯމީޓަރު އަޑިން ކަމަށް ސީސިމޮލޮޖިކަލް ސެންޓަރުތަކުން ބުނެއެވެ.
އެމެރިކާގެ ޖިއޮލޮޖިކަލް ސަރވޭއާ ހަވާލާދީ ރޮއިޓަރސްއިން ފުރަތަމަ ރިޕޯޓްކޮށްފައި ވަނީ ބިންހެލުން އައިސްފައިވަނީ 6.3 މެގްނިޓިއުޑްގައި ކަމަށެވެ. ނަމަވެސް ޔޫރަޕިއަން-މެޑިޓެރޭނިއަން ސީސިމޮލޮޖިކަލް ސެންޓަރުން އޭރު ބުނެފައިވަނީ ބިންހެލުން އައިސްފައިވަނީ 5.9 މެގްނިޓިއުޑްގައި ކަމަށެވެ.
ކަރްމަން އަކީ 800،000 އެއްހާ މީހުންގެ އާބަދީއެއް އޮންނަ ސިޓީއަކަށްވާއިރު އަދި މިހާތަނަށް އެއްވެސް މީހަކަށް ހާނީއްކައެއްވެ އަދި ތަނަކަށް ގެއްލުންލިބުނުކަމުގެ ރިޕޯޓެއް ލިބިފައެއްނުވެއެވެ.
ނޮވެމްބަރު މަހުގެ 12 ވަނަ ދުވަހުވެސް އީރާނާ އިރާގް ގުޅޭ ސަރަހައްދަށް ބިންހެލުމެއް އައިސްފައިވާއިރު އެ ބިންހެލުމަކީ 2017 ވަނަ އަހަރު ދުނިޔެއަށް އައި އެންމެ ބާރުގަދަ ބިންހެލުމެވެ.
