މައިލޯ 44 ވަނަ ނެޝެނަލް ބެޑްމިންޓަން މުބާރާތުގެ ޓީމު އިވެންޓްތަކުގެ ކުޅުން ފަށައިފި
25 ނޮވެމްބަރު 2017 | ހޮނިހިރު 14:35ގައުމީ މުބާރާތުގެ ފިރިހެން އެއްވަނަ ޑިވިޝަނުގައި ތިން ޓީމަކުން ވާދަކުރޭ
ބެޑްމިންޓަން މުބާރާތެއް ފެށުމުގެ ކުރިން
ބެޑްމިންޓަން އެސޯސިއޭޝަނުން އިންތިޒާމު ކޮށްގެން ކުރިޔަށް ގެންދާ 'މައިލޯ 44 ވަނަ ނެޝެނަލް ބެޑްމިންޓަން މުބާރާތް 2017'ގެ ޓީމު އިވެންޓްތަކުގެ ކުޅުން ފަށައިފިއެވެ.
މި މުބާރާތުގައި ގިނަ އަދަދެއްގެ ޓީމުތަކުން ވާދަކުރާއިރު ފޯރިގަދަ ގިނަ މެޗުތަކެއް ކުޅެވިގެންދާނެއެވެ. މި މުބާރާތާއެކު 'މައިލޯ 10 ވަނަ އަތޮޅުލީގް ބެޑްމިންޓަން މުބާރާތް 2017'ގެ ޓީމު އިވެންޓްތަކުގެ ކުޅުން ވެސް ވަނީ ފެށިގެން ގޮސްފައެވެ.
ގައުމީ މުބާރާތުގެ ފިރިހެން އެއްވަނަ ޑިވިޝަނުގައި ތިން ޓީމަކުން ވާދަކުރެއެވެ. އެ ޓީމުތަކުގެ ތެރޭގައި ހިމެނެނީ އެޑްވޮކޭޓީން ދަ ރައިޓްސް އޮފް ޗިލްޑްރެން (އާކް) ގެ ޓީމާއި އެމްޕީއެލް ސްޕޯޓްސް އެންޑް ރެކްރިއޭޝަންގެ އިތުރުން ޓީމް އެކްސްއެވެ.
މި މުބާރާތުގެ ދެވަނަ ޑިވިޝަނުގައި ނުވަ ޓީމަކުން ވާދަކުރާނެއެވެ. އެ ޓީމުތަކުގެ ތެރޭގައި ހިމެނެނީ ބެޓާރ އެންވަރަމެންޓް ފޯ ޔޫތް ސޮސައިޓީ (ބޭސް)، އޮއްފު އެފްސީ، ސްޓެލްކޯ ރެކްރިއޭޝަން ކްލަބް، ޔުނިކް ސްޕޯޓްސް ކްލަބް، ކްލަބް އީގަލްސް، ކްލަބް ސްޓެޓިކް، ސީއެސް ސްޕޯޓްސް، ޔުނައިޓެޑް ވިކްޓްރީގެ އިތުރުން ޖަމިއްޔަތުލް ޝަބާބް ނިލަންދޫގެ ޓީމެވެ.
މި މުބާރާތުގެ އަންހެން ޑިވިޝަންގައި ހަ ޓީމަކުން ވާދަކުރެއެވެ. އެއީ މޯލްޑިވްސް އިންޓަނޭޝަންލް ބެޑްމިންޓަން އެކަޑަމީ (އެމްއައިބީއޭ) އާއި ކްލަބް ސްޓެޓިކް، އައްޑޫ ބެޑްމިންޓަން ކްލަބް، ސީއެސް ސްޕޯޓްސް، ޖަމިއްޔަތުލް ޝަބާބް ނިލަންދޫގެ އިތުރުން ޔުނައިޓެޑް ވިކްޓްރީގެ ޓީމެވެ.
އަތޮޅު ލީގުގެ ޓީމު އިވެންޓްތަކުގައި ޖުމްލަ ފަސް ޓީމަކުން ބައިވެރިވެއެވެ. އެއީ ހޮޅުދޫ ބީޑީސީ، އޭދަފުށި ބީޑީސީ، ހޮރައިޒަން އެކަޑަމީ، ސޮސައިޓީ ފޯ ޔޫތް އެންހެންސްމެންޓްގެ އިތުރުން އައްޑޫ ސިޓީ ކައުންސިލްގެ ޓީމެވެ.
މި މުބާރާތުގެ ޓީމު އިވެންޓްތަކުގެ ފައިނަލް މެޗުތައް ކުޅުމަށް ހަމަޖެހިފައިވަނީ މި މަހުގެ 29 ވަނަ ދުވަހުއެވެ.
