Raajje.mv
Raajje.mv
  • ރާއްޖެ
  • ދުނިޔެ
  • ކުޅިވަރު
  • ވިޔަފާރި - އިގްތިސާދު
  • ސިއްހަތު
  • ރިޕޯޓު
  • ފިލްމް - މިޔުޒިކް
  • ތަފާތު ޚަބަރު
  • އިސްލާމް
  • ލައިފް ސްޓައިލް
Advertisement - newsAdvertisement
ރާއްޖެޖުމްހޫރީ ދުވަސް

އިސްލާމްދީނަށް ހޭލުންތެރިކަން އިތުރުކުރުމާއި ދީނީ ރޮނގުން ޚިދުމަތް ކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީނުގެ އިއްޒަތުގެ ވެރިޔާ ޑރ. މުހައްމަދު ރަޝީދު އިބްރާހީމަށް އަރުވައިފި

20 ނޮވެމްބަރު 2026 | ހުކުރު 07:16

ޑރ. މުހައްމަދު ރަޝީދު އިބްރާހީމަކީ 40 އަހަރަށްވުރެ ދިގު މުއްދަތެއްގައި ދީނީ ތައުލީމު ފެތުރުއްވުމާއި، ޤުރްއާން ތަރުޖަމާކުރުމުގެ އިތުރުން އަރަބިއްޔާ މަދަރުސާ ހަރުދަނާކުރެއްވުމުގައި އަގުނުކުރެވޭފަދަ ޚިދުމަތްތަކެއް ކުރެއްވި އިލްމުވެރިއެއް. އިސްލާމީ ފަތުވާދޭ އެންމެ މަތީ މަޖިލީހުގެ ރައީސްކަން ވެސް ކުރެއްވި އެމަނިކުފާނަކީ ދީނީ ހޭލުންތެރިކަން އިތުރުކުރުމަށް ގިނަ ފޮތްތަކެއް ލިޔުއްވައި، ބައިނަލްއަޤުވާމީ މައިދާނުގައިވެސް ރާއްޖެ ތަމްސީލުކުރައްވާފައިވާ ބޭފުޅެއް

ޝާއިން މުޙައްމަދު
ޝާއިން މުޙައްމަދު | 20 ނޮވެމްބަރު 2026 | ހުކުރު 07:16
އިސްލާމްދީނަށް ހޭލުންތެރިކަން އިތުރުކުރުމާއި، ދީނީ ރޮނގުން ޚިދުމަތް ކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީނުގެ އިއްޒަތުގެ ވެރިޔާ ޑޮކްޓަރ މުހައްމަދު ރަޝީދު އިބްރާހީމަށް އަރުވައިފި

އިސްލާމްދީނަށް ހޭލުންތެރިކަން އިތުރުކުރުމާއި، ދީނީ ރޮނގުން ޚިދުމަތް ކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީނުގެ އިއްޒަތުގެ ވެރިޔާ ޑޮކްޓަރ މުހައްމަދު ރަޝީދު އިބްރާހީމަށް އަރުވައިފި | ރައީސް އޮފީސް

އިސްލާމްދީނަށް ހޭލުންތެރިކަން އިތުރުކުރުމާއި، ދީނީ ރޮނގުން ޚިދުމަތް ކުރުމުގެ އެންމެ މަތިވެރި ޝަރަފު ނިޝާން އިއްޒުއްދީނުގެ އިއްޒަތުގެ ވެރިޔާ ޑރ މުހައްމަދު ރަޝީދު އިބްރާހީމަށް، ރައީސް ޑރ މުހައްމަދު މުއިއްޒު އަރުވައިފި އެވެ. 

މިސްރުގެ ޖާމިއުލްއަޒްހަރުން މަތީ ތައުލީމު ހާސިލު ކުރައްވައިގެން ރާއްޖެއަށް ވަޑައިގަތުމަށްފަހު، ރާއްޖޭގައި ދީނީ ތައުލީމު އުނގަންނައިދެއްވުމަށާއި، ދީނީ ރޮނގުން މީހުން ހޭލުންތެރިކުރުމުގައި ޑރ މުހައްމަދު ރަޝީދު އިބްރާހީމަކީ ފާހަގަކޮށްލެވޭ މުހިންމު މަސައްކަތްޕުޅުތަކެއް އަމަލީގޮތުން އަދާކުރެއްވި ބޭފުޅެކެވެ.

Advertisement - newsAdvertisement

ޑރ މުހައްމަދު ރަޝީދު އިބްރާހީމް، ސަރުކާރަށް ޚިދުމަތް ކުރައްވަން ފެށްޓެވީ 8 ފެބުރުވަރީ 1981 ގައި، ރައީސުލްޖުމްހޫރިއްޔާގެ އޮފީހުގެ އެޑްވައިޒަރެއްގެ މަގާމުންނެވެ. އޭގެފަހުން، އެ އޮފީހުގެ ޚާއްސަ ވަކީލުކަމުގެ މަގާމުވެސް ފުރުއްވި އެވެ. އަލްމަދްރަސަތުލް އަރަބިއްޔަތުލް އިސްލާމިއްޔާ އުފެދުމާ ގުޅިގެން، އެ މަދަރުސާގެ މުދީރުކަމަށް 15 ޖަނަވަރީ 1987 ގައި ޑޮކްޓަރ މުހައްމަދު ރަޝީދު އިބްރާހީމް ހަމަޖެއްސުވުމާއެކު، އެ މަގާމުގައި ހުންނަވައިގެން، އެ މަދަރުސާގެ ހިންގުން ހަރުދަނާކުރައްވައި އެ މަދަރުސާގެ މުޤައްރަރު އަލުން މުޠާލިއާ ކުރައްވައި، ޘާނަވީ ތައުލީމުން ފެށިގެން އަރަބިބަހުން ތައުލީމުދޭ މަދަރުސާއަކަށް ކިޔަވައިދިނުމުގެ ފެންވަރު މަތިކުރެއްވުމަށްޓަކައި އަމަލީގޮތުން ގިނަގުނަ މަސައްކަތްޕުޅުތަކެއް ވަނީ ކުރައްވާފަ އެވެ.

ޑރ މުހައްމަދު ރަޝީދު އިބްރާހީމްގެ އިލްމީ ޚިދުމަތްތަކުގެ ތެރެއިން އެންމެ ޚާއްސަގޮތެއްގައި ފާހަގަކޮށްލެވޭ ޚިދުމަތަކީ، ރައީސް އަލްއުސްތާޛު މައުމޫން އަބްދުލްޤައްޔޫމްގެ ޒައާމަތުގައި ފެށްޓެވި، ކީރިތި ޤުރްއާން ދިވެހިބަހަށް ތަރުޖަމާ ކުރެއްވުމަށްޓަކައި އުފެއްދެވި ކޮމިޓީގައި އެ ކޮމިޓީގެ މެންބަރެއްގެ ހައިސިއްޔަތުން ކުރެއްވި ޚިދުމަތެވެ. އެ ކޮމިޓީގެ ރައީސްކަންވެސް 18 އަހަރަށްވުރެ ދިގު މުއްދަތެއްގައި އެ މަނިކުފާނު ކުރެއްވި އެވެ. ރަމަޟާން މަހުގެ ރޭތައް އިހްޔާކޮށް ދިރުވުމުގެ ޕުރޮގުރާމުގައި ވެސް ތަފާތު އެތައް މައުޟޫއަކަށް ޑރ މުހައްމަދު ރަޝީދު އިބްރާހީމް ވަނީ އިލްމީ ތަޤްރީރުތައް ކުރައްވައިފަ އެވެ. އަދި ދިވެހިރާއްޖޭގެ އަޑާއި ޓީވީ މޯލްޑިވްސްއިން ފޮނުވަމުން ގެންދެވި ދީނީ އެކިއެކި ޕުރޮގުރާމުތަކުގައްޔާއި، އިލްމީ ބަހުޘްތަކުގައި އެ މަނިކުފާނު އަމަލީގޮތުން ވަނީ ބައިވެރިވެވަޑައިގެންފަ އެވެ. ޑރ. މުހައްމަދު ރަޝީދު އިބްރާހީމަކީ، ހުކުރު ޚުތުބާ ވެސް ގިނަ އަދަދަކަށް ލިޔުއްވި ބޭފުޅެކެވެ. އަދި ރައީސުލްޖުމްހޫރިއްޔާގެ އޮފީހުން ކޮންމެ ހަފުތާއަކު ނެރުއްވަމުން ގެންދެވި "ދީނުގެ މަގު" މި ނޫހަށް އެކިއެކި މައުޟޫއުތަކަށް ކޮންމެ ހަފުތާއަކު ވެސް ލިޔުއްވަމުން ގެންދެވި އެވެ.

ޑރ މުހައްމަދު ރަޝީދު އިބްރާހީމަކީ، މައުހަދުއް ދިރާސާތިލް އިސްލާމިއްޔާއަށާއި، ކުއްލިއްޔަތުއް ދިރާސާތިލް އިސްލާމިއްޔާއަށް ވެސް ވަރަށް އަގުހުރި ޚިދުމަތްތަކެއް ކޮށްދެއްވި ބޭފުޅެކެވެ. އެތަންތާނގައި ހިންގި ތަފާތު ކޯސްތަކުގައި ދިގު މުއްދަތެއްގައި ކިޔަވައިދެއްވަމުން ގެންދެވި އަދި ދަރިވަރުންގެ މަޤްބޫލުކަމާއި ތާރީފު ލިބިވަޑައިގެން ހުންނެވި ބޭފުޅެކެވެ. ދަރިވަރުންނަށް ހެޔޮއެދިވަޑައިގަންނަވާ، އިލްމީ މައިދާނުގައި ފުންނާބު އުސް އުސްތާޛެކެވެ. ޑރ. މުހައްމަދު ރަޝީދު އިބްރާހީމަކީ، ދީނީ އަދި އިލްމީ ވަރަށްގިނަ ފޮތްފޮތް ލިޔުއްވައިފައިވާ ބޭފުޅެކެވެ. އޭގެތެރޭގައި، ކުޑަކުދިންނަށް ޚާއްސަ ކުރައްވައިގެން ދީނީ ވާހަކަ އަދި ސިލްސިލާއެއްގެ ގޮތުގައި ކުޑަކުދިންނަށް ޚާއްސަ ކުރައްވައިގެން، ކީރިތި ރަސޫލާގެ ސީރަތުގެ މައްޗަށް ބައެއް ފޮތް ލިޔުއްވައިފައިވެ އެވެ. ބޭރުގެ ބައެއް ޖަމުއިއްޔާ ޖަމާއަތްތަކުގައި ވެސް ޑރ. މުހައްމަދު ރަޝީދު އިބްރާހީމް ވަނީ ދިގު މުއްދަތެއްގައި ޚިދުމަތް ކުރައްވައިފަ އެވެ. އަދި ބައިނަލްއަގުވާމީ ބައެއް ކޮންފަރެންސްތަކުގައި ވެސް ރާއްޖެ ތަމްސީލު ކުރައްވައިފައިވެ އެވެ.

ޑރ. މުހައްމަދު ރަޝީދު އިބްރާހީމް ވަނީ، 40 އަހަރަށްވުރެ ދިގު މުއްދަތެއްގައި ދިވެހި ދައުލަތަށް ޚިދުމަތް ކުރައްވައިފަ އެވެ. އެންމެ ފަހުން އަދާކުރެއްވީ، އިސްލާމީ ފަތުވާދޭ އެންމެ މަތީ މަޖިލީހުގެ ރައީސްކަމުގެ މަގާމެވެ. އެ މަނިކުފާނަށް ނިޝާން އިއްޒުއްދީންގެ އިއްޒަތުގެ ވެރިކަމުގެ ލަޤަބު އަރުވައިފައިވަނީ، 10 ނޮވެންބަރު 2008 ގަ އެވެ.

ޑރ މުޙައްމަދު ރަޝީދު އިބްރާހީމްޖުމްހޫރީ ދުވަސް

އެންމެ ހިނގާ

1

ދަތުގެ ވޭނަށް ލުޔެއް ހޯދަން ދިޔަ ދަތުރު ނިމުނީ އާއިލާގެ ހިތްތައް ކުދިކުދިކޮށްލި މަރަކުން

2

ގްރެޖުއޭޝަނަށް ބޮޑު ހޭދައެއް ކުރުވުމަށްފަހު، ބޯދިގު ކަމަށް ބުނެ ރެހެންދި ސްކޫލުގެ ގިނަ ދަރިވަރުންތަކެއް ގެއަށް ފޮނުވާލައިފި

3

ޖަލްސާ ބޭއްވުމުގެ ކުރިން ޕީއެންސީއަށް 1 ލައްކަ މެންބަރުން ހަމަކުރުމަށް 1 މިލިއަން ޑޮލަރު ޚަރަދުކުރި!

4

"ޕާޓީން އަޅުގަނޑުމެންނަށް ފިޔަވަޅު އެޅީ ވަކި ފަޅިއަކުން ގައުމީ މަޖިލީހަށް ވާދަކުރާތީ ކަމަށް ބެލެވޭ!"

5

ހިމާޔަތްކޮށްފައިވާ ކ. ރަސްފަރި ސަރަހައްދާ ކައިރި ފަޅަކަށް ގިނަ އަދަދެއްގެ ގާކުނޑި އަޅައި އެ ފަޅު ކުނިގޮނޑަކަށް ހަދައިފި

އިތުރަށް ކިޔާލަން

20 ނޮވެމްބަރު 2026

ދިވެހިބަހާއި އަދަބިއްޔާތަށް ޚިދުމަތްކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީންގެ އިއްޒަތުގެ ވެރިޔާ އައްބާސް އިބްރާހީމަށް އަރުވައިފި

20 ނޮވެމްބަރު 2026
ދިވެހިބަހާއި އަދަބިއްޔާތަށް ޚިދުމަތްކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީންގެ އިއްޒަތުގެ ވެރިޔާ އައްބާސް އިބްރާހީމަށް އަރުވައިފި
11 ނޮވެމްބަރު 2026

ގައުމީ ލޯތްބާއި ގައުމު ފާހަގަކުރާ ދުވަސްތައް ދިވެހި ދަރީންނަށް ކިޔާދިނުމުގައި މިއަދު އަދާކުރަމުންދާ ޒިންމާއަށްވުރެ މާބޮޑު ޒިންމާއެއް އަދާކުރަން ޖެހޭ: ސަލީމް

11 ނޮވެމްބަރު 2026
ގައުމީ ލޯތްބާއި ގައުމު ފާހަގަކުރާ ދުވަސްތައް ދިވެހި ދަރީންނަށް ކިޔާދިނުމުގައި މިއަދު އަދާކުރަމުންދާ ޒިންމާއަށްވުރެ މާބޮޑު ޒިންމާއެއް އަދާކުރަން ޖެހޭ: ސަލީމް
11 ނޮވެމްބަރު 2023

ދިގު 30 އަހަރު ދިވެހި ޤައުމާއި ރައްޔިތުންނަށް އިޤްތިޞާދީ ގޮތުންނާއި އިޖުތިމާއީ ގޮތުން ތަފާތު ކުރިއެރުންތަކާއި ތަރައްޤީ ޙާސިލުކުރެވުނު: ރައީސް މައުމޫން

11 ނޮވެމްބަރު 2023
ދިގު 30 އަހަރު ދިވެހި ޤައުމާއި ރައްޔިތުންނަށް އިޤްތިޞާދީ ގޮތުންނާއި އިޖުތިމާއީ ގޮތުން ތަފާތު ކުރިއެރުންތަކާއި ތަރައްޤީ ޙާސިލުކުރެވުނު: ރައީސް މައުމޫން
14 އޯގަސްޓު 2022

މަތީ ދަރަޖަ ހޯދާ ފަރާތްތަކަށް ރައީސް ދެއްވާ ޚާއްޞަ އިނާމަށް ނަން ހުށަހެޅުމުގެ ފުރުސަތު ހުޅުވާލައިފި

14 އޯގަސްޓު 2022
މަތީ ދަރަޖަ ހޯދާ ފަރާތްތަކަށް ރައީސް ދެއްވާ ޚާއްޞަ އިނާމަށް ނަން ހުށަހެޅުމުގެ ފުރުސަތު ހުޅުވާލައިފި
13 ނޮވެމްބަރު 2021

ސިޓީ ކައުންސިލުން މިފަހަރު ޖުމްހޫރީ ދުވަހު މާލޭގެ ބޮޑެތި މަގުތަކުގައި ދިދަ ޖެހީ މަދުން!

13 ނޮވެމްބަރު 2021
ސިޓީ ކައުންސިލުން މިފަހަރު ޖުމްހޫރީ ދުވަހު މާލޭގެ ބޮޑެތި މަގުތަކުގައި ދިދަ ޖެހީ މަދުން!
11 ނޮވެމްބަރު 2021

11 ނޮވެންބަރު 1968ގައި މި ޖުމްހޫރިއްޔަތު ގާއިމުކުރެވުނީ ކީއްވެ؟

11 ނޮވެމްބަރު 2021
11 ނޮވެންބަރު 1968ގައި މި ޖުމްހޫރިއްޔަތު ގާއިމުކުރެވުނީ ކީއްވެ؟
ރާއްޖެދުނިޔެކުޅިވަރުވިޔަފާރި - އިގްތިސާދުސިއްހަތުރިޕޯޓުފިލްމް - މިޔުޒިކްތަފާތު ޚަބަރުއިސްލާމްލައިފް ސްޓައިލް
RaajjeMV
RaajjeTV
Raajje Sport
RaajjeTV Live
RaajjeTV PR
RaajjeMV
Raajje.mv

Copyright © 2010-2025 Raajje Television Pvt Ltd.

All rights reserved

ޕްރައިވެސީ ޕޮލިސީކިޔުންތެރިންގެ ހިޔާލުޓާމްސް އޮފްޔޫސް