ށ. ފީވަކު ކުޑަކުދިންގެ ޕާކް މަޝްރޫއު: މަސައްކަތް ފެށިތާ އަހަރެއް ވެގެން ދިޔަ އިރު އަދި ރޭނުނީ ވަށާފާރު!
26 އޮކްޓޯބަރު 2026 | ހޯމަ 15:45ށ. ފީވަކުގައި ކުޑަކުދިންގެ ޕާކެއް ތަރައްގީކުރުމަށް ފެނަކައާ ހަވާލުކުރި މަޝްރޫއު ހުއްޓިފައި އޮންނާތާ ހަ މަހަށްވުރެ ގިނަ ދުވަސްވުމުން އެ ރަށު ކައުންސިލުން ކަންބޮޑުވުން ފާޅުކޮށްފި. މި މަސައްކަތަށް 16 މުވައްޒަފުން ނަގާފައިވީ ނަމަވެސް، މިހާތަނަށް ނިމިފައިވަނީ ހަމައެކަނި ތިން ފާރު ރޭނުމުގެ މަސައްކަތް ކަމަށް ކައުންސިލުން ބުނޭ
ށ. ފީވަކު ކުޑަކުދިންގެ ޕާކް މަޝްރޫއު: މަސައްކަތް ފެށިތާ އަހަރެއް ވެގެން ދިޔަ އިރު އަދި ރޭނުނީ ވަށާފާރު! | ރާއްޖެ އެމްވީ
ށ. ފީވަކުގައި ފަށާފައިވާ ކުޑަކުދިންގެ ޕާކުގެ މަޝްރޫއުގެ އެއްވެސް މަސައްކަތެއް ކުރިއަށް ނުގޮސް ގިނަ ދުވަސްތަކެއް ވެފައިވާތީ އެ ރަށު ކައުންސިލުން ކަންބޮޑުވުން ފާޅުކޮށްފި އެވެ.
މިކަމުގެ ކަންބޮޑުވުން ފާޅުކުރައްވާ ފީވަކު ކައުންސިލުގެ ނައިބު ރައީސް އަލީ ރިޒާ ރާއްޖެޓީވީއަށް ދެއްވި އިންޓަވިއުއެއްގައި ވިދާޅުވީ މި މަޝްރޫއަކީ ނިމިދިޔަ ލޯކަލް ކައުންސިލް އިންތިހާބާއި ދިމާކޮށް ރައީސް މުއިއްޒު ފައްޓަވާދެއްވާފައިވާ މަޝްރޫއެއް ކަމަށެވެ.
ނަމަވެސް މި މަސައްކަތް ފެށިތާ އަހަރެއް ވެގެން ދިޔައިރު މަސައްކަތް ކުރިއަށް ނުދާ ކަމަށް އަލީ ވިދާޅުވި އެވެ. އަދި މިތަނުގެ މަސައްކަތަށް މުވައްޒަފުން ނަގާފައިވާ ކަމަށް ވެސް އަލީ މައުލޫމާތު ދެއްވި އެވެ.
އަޅުގަނޑު ހަދާންވާ ގޮތުން ވެއްޖެޔާ ސެޕްޓެމްބަރު މަސް ތެރޭގައި މި މަސައްކަތް ފެއްޓުނީ ފެއްޓިގެން 16 މުވައްޒަފުން ވެސް މިތާ ނަގާފައި އެބަ ތިބި. ދެން މިއީ މިހާތަނަށް މަސައްކަތް ކުރިއަށް ދިޔަވަރު، ތިން ފާރު އެކަނި ރާނާލެވިފައި މިހުރީއަލީ ރިޒާ
އަލީ ވިދާޅުވީ މަސައްކަތް ހުއްޓިފައި އޮންނަތާ 6 މަހަށް ވުރެ ގިނަ ދުވަސްވެފައިވާނެ ކަމަށެވެ. އަދި ދޭތެރެއަކުން ވިނަ ނޮޅުމުގެ މަސައްކަތް ކުރިއަށްގެންދާ ކަމަށާއި އިތުރު ކަމެއް ކުރާތަން ނުފެންނަ ކަމަށް އަލީ ވިދާޅުވި އެވެ.
ރަށުގެ ތަރައްގީއަށް ކުރެވޭ އެއްވެސް ކަމެއްގައި ކައުންސިލުން އެއްވެސް ހުރަސް އެޅުމެއް ނުބާއްވާކަން ފާހަގަކުރައްވައި، އަލީ ވިދާޅުވީ ކައުންސިލް މަސައްކަތް ކުރަނީ ވީހާވެސް އަވަހަކަށް މަޝްރޫއު ނިންމާލެވޭނެ މަގު ފަހި ކުރުން ކަމަށެވެ.
ށ. ފީވަކުގައި ކުޑަކުދިންގެ ޕާކެއް ތަރައްގީ ކުރުމުގެ މަޝްރޫއަކީ 2025 ވަނަ އަހަރުގެ އޮކްޓޫބާރު މަހުގެ 14 ވަނަ ދުވަހު ރައީސް މުއިއްޒު ފީވަކަށް ވަޑައިގެން ފައްޓަވައިދެއްވި މަސައްކަތެކެވެ. މި މަޝްރޫއު ހަވާލު ކޮށްފައިވަނީ ފެނަކަ ކޯޕަރޭޝަން ލިމިޓެޑްއަށެވެ.
