ށ.ފީވަކުގެ "ޒުވާނުންގެ ގުޅުން" ޖަމިއްޔާއިން އިންތިޒާމްކޮށްގެން ކުރިއަށް ގެންދާ "ބަލްމާ ފުޓްސަލް ޗެލެންޖް 2021"ގެ ފައިނަލަށް ހަކުރު އެފްސީ އަދި ކުލަބް ފުއްޓަރު ދަތުރުކޮށްފިއެވެ.
"ބަލްމާ ފުޓްސަލް ޗެލެންޖް 2021" ފަށާފައިވަނީ ހުސްވި ޑިސެމްބާރ މަހުގެ 31 ވަނަ ދުވަހު އެވެ. މުބާރާތުގެ ފައިނަލް މެޗް ކުޅުމަށް ހަމަޖެހިފައިވަނީ ޖެނުއަރީ 6ވާ ބުރާސްފަތި ދުވަހުގެ 16:30ގައި ފީވަކު ފުޓްސަލް ދަނޑުގައިއެވެ. މުބާރާތުގެ ފައިނަލަށް ކުލަބް ފުއްޓަރު ދަތުރުކޮށްފައިވަނީ ކުޅުނު އެއްވެސް މެޗަކުން ބަލިނުވެ 12 ޕޮއިންޓާއެކު, މުބާރާތުގެ ޕޮއިންޓް ތާވަލުގެ އެންމެ ކުރީގައި އޮވެއެވެ. ހަކުރު އެފްސީ ފައިނަލަށް ދަތުރުކޮށްފައިވަނީ 9 ޕޮއިންޓާއެކު ތާވަލުގެ ދެވަނައިގައި އޮވެއެވެ.
މި މުބާރާތުގައި ޗެމްޕިއަން ޓީމަށް 10000ރުފިޔާގެ އިނާމެއް ދިނުމަށް ވަނީ ހަމަޖެހިފައިއެވެ. ރަނަރަޕް ޓީމަށް 5000 ރުފިޔާ ދިނުމަށް ހަމަޖެހިފައިވާއިރުގައި ފެއާރޕްލޭ ޓީމަށް 2000 ރުފިޔާ ދިނުމަށް ވަނީ ހަމަޖެހިފައިއެވެ.
މުބާރާތުގެ ފައިނަލް މެޗް ފީވައް.އެމްވީގެ ފޭސްބުކް ޕޭޖުން ލައިވް ކުރުމަށް ވަނީ ހަމަޖެހިފައިއެވެ.
