"ބަލްމާ ފުޓްސަލް ޗެލެންޖް 2021" ގެ ޗެމްޕިއަންކަން ހަކުރު އެފްސިީއަށް
7 ޖެނުއަރީ 2022 | ހުކުރު 06:52މުބާރާތް އިންތިޒާމުކުރީ ފީވަކު "ޒުވާނުންގެ ގުޅުން" ޖަމިއްޔާއިން
ޗެމްޕިއަން ޓީމް "ހަކުރު އެފްސީ"
ށ. ފީވަކުގައި ކުރިއަށް ގެންދިޔަ "ބަލްމާ ފުޓްސަލް ޗެލެންޖެ 2021" ގެ ޗެމްޕިއަންކަން ހަކުރު އެފްސީން ހޯދައިފިއެވެ.
ޖެނުއަރީ 6ވަނަ ދުވަހު ކުރިއަށް ގެންދިޔަ ފައިނަލް މެޗްގައި ހަކުރު އެފްސީން ޗެމްޕިއަންކަން ހޯދާފައިވަނީ ކުލަބް ފުއްޓަރާ ވާދަކޮށް 4-0 ގެ ނަތީޖާއަކުން މެޗު ކާމިޔާބު ކޮށްގެންނެވެ. މުބާރާތް ނިންމުމުގެ ރަސްމިއްޔާތުގައި ޗެމްޕިއަން ޓީމް "ހަކުރު އެފްސީ" އަށް ވަނީ ތައްޓާއި 10000ރުފިޔާގެ ފައިސާގެ އިނާމު ހަވާލުކޮށްފައެވެ.
މުބާރާތުގެ ރަނަރަޕް ޓީމު ކަމަށްވާ ކުލަބް ފުއްޓަރަށް ވަނީ 5000 ރުފިޔާ ހަވާލުކޮށްފައެވެ. މީގެ އިތުރުން މުބާރާތުގެ ފެއާރޕްލޭ ޓީމަކަށް ހޮވިފައިވާ ހޫލިގަން އެސްސީއަށް ވަނީ 2000 ރުފިޔާގެ ފައިސާގެ އިނާމް ހަވާލުކޮށްފައެވެ.
"ބަލްމާ ފުޓްސަލް ޗެލެންޖް 2021" އަކީ ފީވަކުގެ ޖަމިއްޔާއެއް ކަމަށްވާ ފީވަކު ޒުވާނުންގެ ގުޅުމުން އިންތިޒާމް ކޮށްގެން ކުރިއަށް ގެންދާ މުބާރާތެކެވެ. މުބާރާތް ފަށާފައިވަނީ ހުސްވި 2021 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހުއެވެ.
