2023 ވަނަ އަހަރު އޮތް ރިޔާސީ އިންތިހާބު އެމްޑީޕީއަށް ނާކާމިޔާބުވުމަށް މެދުވެރިވި އެންމެ ބޮޑު އެއް ސަބަބަކީ ޕާޓީން ބަޔަކު ކަނޑާލި ކަމަށް ބުނެ ފެތުރި ވާހަކަ: މެންބަރު ނާޒިލް
3 އޮކްޓޯބަރު 2026 | ހޮނިހިރު 08:01އެމްޑީޕީގެ އެތެރޭގެ އިންތިހާބުތަކުގައި ވޯޓުލެވޭނީ ޕާޓީއާ ގުޅޭތާ ތިން މަސްވެފައިވާ މެންބަރުންނަށް ކަމަށް ކަނޑައެޅުމަށް އަސާސީ ގަވައިދަށް އިސްލާހު ހުށަހަޅައިފި. މި އިސްލާހު ހުށަހަޅުއްވަމުން ޕީޖީ ލީޑަރު އިބްރާހީމް ނާޒިލް ވިދާޅުވީ، ނިމިދިޔަ ރިޔާސީ އިންތިހާބު ނާކާމިޔާބުވީ ޕާޓީން ގިނަ އަދަދެއްގެ މެންބަރުން ވަކިކުރި ކަމަށް ބުނެ ފެތުރި ވާހަކަތަކާ ގުޅިގެން ކަމަށް
އެމްޑީޕީގެ ޕާލިމެންޓްރީ ގްރޫޕްގެ ލީޑަރު އިބްރާހީމް ނާޒިލް އެމްޑީޕީ ކޮންގްރެސްގައި ވާހަކަދައްކަވަނީ | އެމްޑީޕީ
2023 ވަނަ އަހަރު އޮތް ރިޔާސީ އިންތިހާބު އެމްޑީޕީއަށް ނާކާމިޔާބުވުމަށް މެދުވެރިވި އެންމެ ބޮޑު އެއް ސަބަބަކީ ޕާޓީން ބަޔަކު ކަނޑާލި ކަމަށް ބުނެ ފެތުރި ވާހަކައިން ކަމަށް ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އަދި އެމްޑީޕީގެ ޕާލިމެންޓްރީ ގްރޫޕްގެ ލީޑަރު އިބްރާހީމް ނާޒިލް ވިދާޅުވެއްޖެ އެވެ.
އެމްޑީޕީގެ ކޮންގްރެސްގައި ޕާޓީގެ އަސާސީ ގަވާއިދަށް އިސްލާހު ހުށަހަޅުއްވަމުން ނާޒިލް ވިދާޅުވީ، ޕާޓީގެ އެތެރޭގެ އިންތިހާބުތައް ބޭއްވޭއިރު އެހެން ސިޔާސީ ޕާޓީތަކުން އެމްޑީޕީއަށް ގިނަ އަދަދަކަށް މީހުން ވަދެ ނުކުމެ ހެދުމުގެ ސަބަބުން އެ އިންތިހާބުގެ ނަތީޖާ ބޮޑުތަނުން ބަދަލުވާ ވާހަކައަކީ އަބަދުވެސް ޕާޓީ ތެރޭގައި ދެކެވޭ ވާހަކައެއް ކަމަށެވެ.
މިކަމަށް ހައްލެއް ހޯދުމަށް އިސްލާހު ހުށަހަޅާފައިވާނެ ކަމަށް ވެސް ނާޒިލް ވިދާޅުވި އެވެ. އެގޮތުން ނާޒިލް ހުށަހަޅުއްވާފައިވަނީ 3 މަސް ދުވަސް ކުރިން ޕާޓީއަށް ވަދެފައި ތިބޭ ބަޔަކަށް ނޫނީ އެތެރޭގެ އިންތިހާބުތަކުގައި ވޯޓު ނުލެވޭ ގޮތަށް ހެދުމަށެވެ.
2023 ވަނަ އަހަރުގައި އެމްޑީޕީ ރިޔާސީ ޕްރައިމަރީ ތެރޭގައި ވަރަށް ބޮޑު އިލްޒާމެއް އޭރުގެ ޗެެއަރޕާސަން ބޮލުގައި އެޅުވުނު ކަމަށް ނާޒިލް ވިދާޅުވި އެވެ. އަދި ރިޔާސީ އިންތިޚާބުގައި އެމްޑީޕީ ނާކާމިޔާބުވާން ދިމާވި އެއް ސަބަބު ކަމަށް ނާޒިލް ވިދާޅުވި އެވެ
ގާތްގަނޑަކަށް 29 ހާސް މެންބަރުން ޕާޓީން ވަކި ކުރި ވާހަކަ ވޯޓާއި ކައިރިކޮށްފައި އޭރު އެ ވާހަކަ އައީ، ހަގީގަތުގައި ރިޔާސީ އިންތިހާބު ނާކާމިޔާބު ވުމަށް މެދުވެރިވި އެންމެ ބޮޑު އެއް ސަބަބު ކަމުގައި އަޅުގަނޑު ހަމަ ދަންނަވަނީ ކެރިގެން ހުރެއިބްރާހީމް ނާޒިލް
ނާޒިލް ވިދާޅުވީ، މިފަދަ ކަންކަން ދިމާވަނީ ކަޅާއި ހުދުން ނުވަތަ ސާފުކޮށް ލިޔެވިފައި ނެތީމަކަމަށާއި މިފަދަ ކަންކަން ލިޔުމުން ފެންނަން އޮންނަން ޖެހޭ ކަމަށެވެ.
