ފުލުހުންގެ ބެލުމުގެދަށުގައި ހުރި ގިނަ އަދަދެއްގެ ސިނގިރެޓާއި ދުންފަތް ނައްތާލައިފި
29 ސެޕްޓެމްބަރު 2026 | އަންގާރަ 18:41މާލޭގެ އެޕާޓްމަންޓެއްގައި ގަވާއިދާ ހިލާފަށް ސިނގިރޭޓް އުފައްދަމުންދިޔަ މައްސަލައެއްގައި ފުލުހުންގެ ބެލުމުގެ ދަށަށް ގެނައި ގިނަ އަދަދެއްގެ ދުންފަތާއި ސިނގިރޭޓް ދޫނިދޫގައި ނައްތާލައިފި. މި އޮޕަރޭޝަންގައި އަތުލައިގަތް 4،285 ކާޓޫން ސިނގިރޭޓާއި 93 ކިލޯއަށްވުރެ ގިނަ ދުންފަތް ނައްތާލާފައިވަނީ ފުލުހުންގެ ހާއްސަ ކޮމިޓީއެއްގެ ބެލުމުގެ ދަށުން
ފުލުހުންގެ ބެލުމުގެ ދަށުގައި ހުރި ސިނގިރޭޓުތައް ނައްތާލަނީ | ޕޮލިސް މީޑިޔާ
ފުލުހުންގެ ބެލުމުގެދަށުގައި ހުރި ގިނަ އަދަދެއްގެ ސިނގިރެޓާއި ދުންފަތް ނައްތާލައިފި އެވެ.
އަންގާރަ ދުވަހު ފުލުހުން ބުނީ، ސެޕްޓެމްބަރު 28 ވަނަ ދުވަހު ދޫނިދޫގައި ނައްތާލި ތަކެއްޗަކީ ހެންވޭރު ގެއެއްގެ އެޕާޓްމަންޓުގައި ހިންގަމުންދިޔަ އޮފީހެއްގައި ގާނޫނާ ހިލާފަށް، ސިނގިރެޓް އުފެއްދުމަށް މެޝިން ބަހައްޓައިގެން ސިނގިރެޓް އުފައްދާކަމަށް ތުހުމަތުކުރެވޭ މައްސަލައާ ގުޅިގެން ހިންގި އޮޕަރޭޝަންގައި ފުލުހުންގެ ބެލުމުގެދަށަށް ގެެނެސްފައިވާ ތަކެތި ކަމަށެވެ.
މި އޮޕަރޭޝަންއަކީ ހިންގާފައިވަނީ 30 ޖަނަވަރީ 2025 ހިންގާފައިވާ އޮޕަރޭޝަނެއް ކަމަށް ވެސް ފުލުހުން ބުނެ އެވެ.
އެގޮތުން، ނައްތާލި ތަކެތީގެ ތެރޭގައި ހިމެނެނީ 4285 ސިނގިރެޓް ކާޓޫން، 232 ފޮށި ސިނގިރެޓް އަދި 93.60 ކިލޯގެ ދުންފަތް ކަމަށް ވެސް ފުލުހުން މައުލޫމާތު ދީފައިވެ އެވެ.
މި ތަކެތި ނައްތާލާފައިވަނީ ފުލުހުންގެ ބެލުމުގެދަށަށް ގެނެވޭ މިފަދަ ތަކެތި ނައްތާލުމުުގައި އަމަލުކުރާނެ އުސޫލުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުންނެވެ.
