ހަލާލު ފަތުރުވެރިކަން ފުޅާކުރުމާ ގުޅޭގޮތުން އިސްލާމިކް ޗެމްބަރ އޮފް ކޮމަރސްގެ ސެކްރެޓަރީ ޖެނެރަލްއާ ރައީސް މަޝްވަރާކުރައްވައިފި
2 ސެޕްޓެމްބަރު 2026 | ބުދަ 06:27އައިސީސީޑީ އާއި ދިވެހި ސަރުކާރު ގުޅިގެން އިސްލާމީ އިގުތިސާދު ކުރިއެރުވުމަށާއި ހަލާލު ފަތުރުވެރިކަމާއި ވިޔަފާރީގެ ދާއިރާއިން އެއްބާރުލުން އިތުރުކުރުމާ ގުޅޭގޮތުން މި ބައްދަލުވުމުގައި މަޝްވަރާކުރެއްވި. މީގެ އިތުރުން، އަތުން ލިޔެފައިވާ ޚާއްސަ މުސްހަފެއް ސެކްރެޓަރީ ޖެނެރަލް ވަނީ ރައީސް އަށް ހަދިޔާކުރައްވާފައި
އިސްލާމިކް ޗެމްބަރ އޮފް ކޮމަރސް އެންޑް ޑިވެލޮޕްމަންޓްގެ ސެކްރެޓަރީ ޖެނެރަލް، ރައީސްގެ އަރިހަށް އިހުތިރާމުގެ ޒިޔާރަތެއް ކުރައްވައިފި | ރައީސް އޮފީސް
އިސްލާމިކް ޗެމްބަރ އޮފް ކޮމަރސް އެންޑް ޑިވެލޮޕްމަންޓް (އައިސީސީޑީ) ގެ ސެކްރެޓަރީ ޖެނެރަލް، ޝައިޚް ޔޫސުފް ހަސަން ޚަލާވީ، ރައީސް މުހައްމަދު މުއިއްޒުގެ އަރިހަށް އިހްތިރާމުގެ ޒިޔާރަތެއް ކުރައްވައިފި އެވެ.
ރައީސް އޮފީހުން މައުލޫމާތުދޭ ގޮތުގައި މި ބައްދަލުކުރެއްވުން އޮތީ ބުދަ ދުވަހުގެ ހެނދުނު ރައީސުލްޖުމްހޫރިއްޔާގެ އޮފީހުގަ އެވެ.
މީގެ އިތުރުން މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާކުރެއްވީ، ޤާބިލުކަން އިތުރުކުރުމާއި ވުނަކުރުމާއި މެހެމާންދާރީގެ ދާއިރާއިންނާއި ހަލާލު ވިޔަފާރީގެ ދާއިރާއިން އެއްބާރުލުން އިތުރުކޮށް، އިސްލާމީ އިގުތިސާދު ކުރިއެރުވުމާ ގުޅޭގޮތުންކަމަށް ރައީސް އޮފީހުން ބުނެ އެވެ.
މީގެ ތެރޭގައި ހަލާލު ފަތުރުވެރިކަން ފުޅާކުރުން ވެސް ހިމެނެ އެވެ.
މި ބައްދަލުކުރެއްވުމުގައި ސެކްރެޓަރީ ޖެނެރަލް ވަނީ އަތުލިޔުމުން ލިޔެފައިވާ ކީރިތި ޤުރްއާނުގެ މުސްހަފެއް، ރައީސް އަށް ހަދިޔާކުރައްވާފަ އެވެ.
