އުމުރުން 12 އަހަރާއި 17 އަހަރުގެ ކުދިންނަށް އަމާޒުކޮށްގެން އާރކުން ކުރެހުމުގެ މުބާރާތެއް ފަށައިފި އެވެ.

މި މުބާރާތުގައި ކުރެހުންތައް ހުށަހެޅުމަށް ކަނޑައަޅާފައިވާ މައުލޫތަކަކީ ފަޔަރ ސޭފްޓީ، ރޯޑް ސޭފްޓީ، ހޯމް ސޭފްޓީ، ވޯޓަރ ސޭފްޓީ، ފަސްޓް އެއިޑް އެންޑް ސީޕީއާރް އަދި ނެޗުރަލް ޑިޒާސްޓާޒް އެވެ.

ކުރެހުންތައް ހުށަހެޅުމުގެ ފަހު ތާރީޙަކީ އޮކްޓޯބަރ މަހުގެ ހަތް ވަނަ ދުވަސް ކަމަށްވާއިރު ކުރެހުންތައް ހުށަހަޅަން ޖެހޭނީ އާރކްގެ އޮފީހަށެވެ.

މި މުބާރާތުން ޖަޖުން ހޮވާ 12 ކުރެހުމެއް 2018 ވަނަ އަހަރު އާކްގެ ކަލަންޑަރުގައި ހިމެނުމަށްވަނީ ހަމަޖެހިފަ އެވެ.

ޖަޖުން ހޮވާ އެންމެ މޮޅު 12 ކުރެހުމެއް އިއުލާން ކުރުމަށް ހަމަޖެހިފައިވަނީ ބައިނަލަޤްވާމީ ގޮތުން ފާހަގަ ކުރާ "ޑިޒާސްޓާ ރިޑަކްޝަން" ދުވަހު އެވެ. މީގެ އިތުރުން އާރކްގެ ކަލަންޑަރ ލޯންޗު ކުރުމަށް ވެސް ހަމަޖެހިފައިވަނީ މި ދުވަހު އެވެ.

މުބާރާތުގައި ކުރެހުންތެރިންނަށް ގިނަވެގެން ހުށަހެޅޭނީ 3 ކުރެހުމެވެ.