ޖަރުމަނުވިލާތުގެ ފެޑެރަލް އިންތިޚާބުގެ ވޯޓްލުން ފަށައިފިއެެވެ.

ޗާންސެލަރ އެންގެލާ މާކެލް ގެންދަވަނީ ހަތަރުވަނަ ދައުރަކަށް މަގާމު ދިފާއުކުރެއްވުމަށް އަދި ޖަރުމަނުބެ ގާނޫނުހަދާ މަޖިލީސް ބުންޑެސްޓާގްގައި އެންމެ މެމްބަރުން ގިނަ ޕާޓީގެ ގޮތުގައި ކްރިސްޓިއަން ޑެމޮކްރެޓިކް ޕާޓީ(ސީޑީޔޫ) ދެމެހެއްޓުމަށް މަސައްކަތް ކުރައްވަމުންނެވެ.

ސީޑީޔޫގެ އިދިކޮޅު މައިޕާޓީއަކީ ކޯލިޝަން ޕާޓްނަރ އެސްޕީޑީއެވެ. ކަނާތު ފިޔައިގެ އޭއެފްޑީއަށް ފުރަތަމަ ފަހަރަށް ގާނޫނުހަދާ މަޖިލީހުގައި އަޣުލަބިއްޔަތުލިބުމުގެ ފުރުސަތުވަނީ ބޮޑުވެފައެވެ.

ޖަރުމަނުގެ ގަޑިން 8:00 ޖެހިއިރު ވޯޓްލާ މަރުކަޒުތައް ހުޅުވާފައިވާއިރު ބަންދު ކުރުމަށް ހަމަޖެހިފައި ވަނީ 18:00 ގައެވެ.

މިއީ ދެވަނަ ބޮޑު ހަނގުރާމައަށް ފަހު ޖަރުމަނުގެ ގާނޫނުހަދާ މައި މަޖިލީހުން ހަ ޕާޓީ ފެނުމުގެ ފުރުސަތު އޮތް އިންތިޚާބު ކަމަށްވުމުން އިންތިޚާބު ވަނީ ޚާއްސަވެފައެވެ.

އެފަދަ ނަތީޖާއެއް ވެގެން ދާނީ މިހާރު އެގައުމުގައި ކޯލިޝަން އެކުލަވާލާގޮތް ބަދަލުވެގެންދާނެ ކަމަކަށެވެ.

މިހާރުގެ ޗާންސެލަރ މާކެލް އިންތިޚާބު ކާމިޔާބް ކުރައްވާނެ ކަމަށް ފުޅާދާއިރާއެއްގައި ވަނީ ބެލެވިފައެވެ.