"ޕަދްމަވަތީ" ދައްކާނީ އަންނަ އަހަރުގައި
ކުރިން މި ފިލްމު ދެއްކުމަށް ހަމަޖެހިފައި ވަނީ މިއަހަރުގެ ނޮވެމްބަރު މަހުގެ 17 ވަނަ ދުވަހު
ޕަދްމަވަތީގެ ލީޑް ރޯލުން ފެނިގެންދާ ތިން ތަރިން
ސަންޖޭ ލީލާ ބަންސާލީގެ ފިލްމު "ޕަދްމަވަތީ" ދައްކާނީ އަންނަ އަހަރުގައި ކަމަށް ނިންމާފައިވާކަމަށް މީޑިއާ ރިޕޯޓްތައް ބުނެފިއެވެ.
ރިޕޯޓްތައް ބުނެފައިވާ ގޮތުގައި "ޕަދްމަވަތީ" ދައްކާނީ އަންނަ އަހަރުގެ ފެބްރުއަރީ މަހުގެ ތެރޭގައެވެ.
ކުރިން މި ފިލްމު ދެއްކުމަށް ހަމަޖެހިފައި ވަނީ މިއަހަރުގެ ނޮވެމްބަރު މަހުގެ 17 ވަނަ ދުވަހުގައެވެ.
"ޕަދްމަވަތީ" ދެއްކުން އަންނަ އަހަރަށް ލަސްކޮށްފައިވާކަމަށް މީޑިއާ ރިޕޯޓްތައް ބުނެފައިވީނަމަވެސް އެކަން "ޕަދްމަވަތީ" ގެ ޓީމުން ރަސްމީކޮށް އެއްޗެއް ބުނެފައެއް ނުވެއެވެ.
"ޕަދްމަވަތީގެ ޑައިރެކްތަރަކީ ސަންޖޭ ލީލާ ބަންސާލީ އެވެ.
މި ފިލްމުގެ ލީޑް ރޯލުން ފެނިގެންދާނީ ދީޕިކާ ޕަދުކޯން، ރަންވީރު ސިންހް، ޝާހިދު ކަޕޫރު، ޖިމް ސާބް އަދި އަދިތީ ރާއޯއެވެ. "ޕަދްމަވަތީ"ގައި ދީޕިކާ ފެނިގެންދާނީ ރާނީ ޕަދްމަވަތީގެ ރޯލުންނެވެ.
