މާލެ ހިޔާ-1 އިން ވެއްޓުނު އުމުރުން ދުވަސްވީ މީހާ އަށް ފަރުވާ ދެނީ ވެންޓިލޭޓަރުގައި
އޭނާ އަށް ލިބުނު އަނިޔާގެ ތަފްސީލު ހިއްސާ ކޮށްފައިނުވޭ. މި މައްސަލަ ފުލުހުން ގެންދަނީ ތަހުގީގު ކުރަމުން ގެންދާއިރު، އޭނާ ވެއްޓުނު ސަބަބާ ގުޅޭގޮތުން ފުލުހުން ވަކި އެއްޗެއް ބުނެފައިނުވޭ.
އައިޖީއެމްއެޗް | ރާއްޖެއެމްވީ
މާލެ ހިޔާ-1ގެ 5 ވަނަ ފަންގިފިލާއިން ވެއްޓުނު އުމުރުން ދުވަސްވީ މީހާ އަށް ވެންޓިލޭޓަރުގައި ފަރުވާ ދެމުންދާ ކަމަށް އައިޖީއެމްއެޗުން ބުނެފި އެވެ.
މިހާދިސާ ހިނގީ 5 ފެބްރުއަރީ 2026 ވީ ބުރާސްފަތި ދުވަހުގެ ހެނދުނު 6:05 ހާއިރު އެވެ. ވެއްޓިފައިވަނީ އުމުރުން 60 އަހަރުގެ ދިވެހި ފިރިހެނެކެވެ.
އެމީހާގެ ހާލަތާ ގުޅޭގޮތުން އައިޖީއެމްއެޗުން ބުނީ، އެ މީހާއަށް ފަރުވާ ދެނީ އައިސީޔޫގެ ވެންޓިލޭޓަރުގައި ކަމަށެވެ.
އޭނާ އަށް ލިބުނު އަނިޔާގެ ތަފްސީލު ހިއްސާ ކޮށްފައިނުވެ އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ގެންދާއިރު، އޭނާ ވެއްޓުނު ސަބަބާ ގުޅޭގޮތުން ފުލުހުން ވަކި އެއްޗެއް ބުނެފައިނުވެ އެވެ.
އާއްމުވެފައިވާ ވީޑީއޯއިން ފެންނަ ގޮތުގައި ބޮލާއި އަތުގައި ބެންޑޭޖު އަޅާފައިވާ މަންޒަރު ފެނެ އެވެ.
