ސްރީލަންކާގެ ކުރީގެ ރައީސް މަހިންދަ ރާޖަޕަކްސަގެ އަނބިކަނބަލުންނާއި ދަރިކަލުން ނަމާލުު ތަހުގީގީ އިދާރާތަކަށް ހާޒިކޮށް ބަޔާން ނަގައިފި

ކުރީގެ ރައީސް މަހިންދަ ރާޖަޕަކްސަގެ އަނބިކަނބަލުން ޝިރާންތީ ރާޖަޕަކްސަ، މާލީ ހިޔާނާތުގެ މައްސަލައެއްގައި އަންގާރަ ދުވަހު އެ ގައުމުގެ ފައިނޭންޝަލް ކްރައިމްސް އިންވެސްޓިގޭޝަން ޑިވިޜަން (އެފް.ސީ.އައި.ޑީ) އަށް ބަޔާން ދެއްވައިފި އެވެ. ސްރީލަންކާގެ މީޑިއާ ރިޕޯޓުތައް ބުނާ ގޮތުގައި ޝިރާންތީ އެފް.ސީ.އައި.ޑީގައި ހަތަރު ގަޑިއިރާ ގާތްކުރާ ވަގުތެއް ހޭދަކުރެއްވީ އެ ސަރުކާރުގެ ފަންޑަކާ ގުޅިގެން ތުހުމަތުކުރެވޭ ގަވައިދާ ޚިލާފަށް ފައިސާ ގެ މުއާމަލާތްތަކެއް ކުރެއްވުމާ ގުޅޭ ގޮތުން ބަޔާން ދެއްވުމަށެވެ.

ޝިރާންތީ ރާޖަޕަކްސަ އެފް.ސީ.އައި.ޑީ އަށް ހާޒިރުވެވަޑައިގަތީ، 2026 ޖެނުއަރީ 27 ވަނަ ދުވަހު އެ އިދާރާއަށް ހާޒިރުވުމަށް އަންގައި ފޮނުވި އަމުރަކާ ގުޅިގެންނެވެ.

ނަމަވެސް، ކުރިން ކަނޑައެޅި ތާރީޚަށް ހާޒިރުވެވެން ނެތް ކަމަށް ޝިރާންތީގެ ވަކީލުން މެދުވެރިކޮށް ކުރިން އަންގާފައިވާތީ، އެ މުއްދަތު ދެ ހަފުތާއަށް އިތުރުކޮށްދިނުމަށް އެކަމަނާ އޮތީ އެދިވަޑައިގެންފައެވެ.

އަނބިކަނބަލުންގެ އިތުރުން ކުރީގެ ރައީސް މަހިންދަ ރާޖަޕަކްސަގެ ދަރިކަލުން ސްރީލަންކާ ޕޮޑުޖަނަ ޕެރަމުނަ (އެސް.އެލް.ޕީ.ޕީ) ގެ ނޭޝަނަލް އޯގަނައިޒަރ އަދި ޕާލަމެންޓް މެންބަރު ނަމާލް ރާޖަޕަކްސަ ވެސް ވަނީ ބަޔާން ނެގުމަށް އަންގާރަ ދުވަހު ކްރިމިނަލް އިންވެސްޓިގޭޝަން ޑިޕާޓްމަންޓް (ސީ.އައި.ޑީ) އަށް ހާޒިރު ކޮށްފަ އެވެ.

މެންބަރު ނާމަލް ރާޖަޕަކްސަ ސީ.އައި.ޑީ އަށް ހާޒިރު ކުރީ، 'ކެހެލްބައްދަރަ ޕަދްމޭ' ނަމަކަށް ކިޔާ ކުށްވެރިއަކާ އޮތް ގުޅުމެއްގެ މައްސަލައިގައި ބަޔާން ނެގުމަށް ކަމަށް މީޑިއާ ރިޕޯޓުތައް ބުނެ އެވެ.