ދުނިޔޭގެ އެންމެ ބޮޑު ދަނބުކުލައިގެ ތަރިޖެހި ނީލަމް ކޮޅުނބުގައި ދައްކާލައިފި
"ދަ ސްޓާ އޮފް ޕިއުއަރ ލޭންޑް" ގެ ނަމުން ނަންދެވިފައިވާ މި ނީލަމް ގައި 3,536 ކެރަޓްގެ ބަރުދަން ހުރި ކަމަށް ލަންކާގެ ރިޕޯޓު ކޮށްފައިވޭ.
ދުނިޔޭގެ އެންމެ ބޮޑު ޕާޕަލް ސްޓާ ސަފަޔަރ ދައްކާލުން | ޕްރަދީޕް ދިލްރުކްޝާނާ
ދުނިޔޭގެ އެންމެ ބޮޑު ދަނބުކުލައިގެ ތަރިޖެހި ނީލަމް ސްރީ ލަންކާ ގެ ކޮޅުނބުގައި ދައްކާލައިފި އެވެ.
"ދަ ސްޓާ އޮފް ޕިއުއަރ ލޭންޑް" ގެ ނަމުން ނަންދެވިފައިވާ މި ނީލަމް ގައި 3,536 ކެރަޓްގެ ބަރުދަން ހުރި ކަމަށް ލަންކާގެ މީޑިއާ އިން ރިޕޯޓު ކޮށްފައިވެ އެވެ.
ގުދުރަތީ ދަނބުކުލައިގެ މި "ސްޓާ ސެފަޔަރ" އަކީ މި ބާވަތުގެ ޖަވާހިރުތަކުގެ ތެރެއިން ދުނިޔޭގައި މިހާތަނަށް ރެކޯޑް ކުރެވިފައިވާ އެންމެ ބޮޑު ޖަވާހިރު ކަމަށް ބުނެފައިވެ އެވެ.
ޖީ.އައި.އޭ ސެޓިފިކޭޝަނުން ކަށަވަރުކޮށްދޭ ގޮތުގައި، މިއީ މަސްނޫއީ ހޫނެއް ބޭނުންކޮށްގެން ފައްކާކޮށްފައިވާ އެއްޗެއް ނޫން ކަމާއި، މިއީ ގުދުރަތީ ގޮތުން އުފެދިފައިވާ އަސްލު ޖަވާހިރެކެވެ. މީގެ އިތުރުން، މީގައި ހިމެނޭ އޮޕްޓިކަލް ސިފަތަކަކީ (ފެންނަ ފެނުމުގައި ހުންނަ ސިފަތަކަކީ) އާދަޔާ ހިލާފަށް މަދުން ނޫނީ ނުފެންނަ، ވަރަށް ތަފާތު ސިފަތަކެއް ކަމަށްވެސް ފާހަގަކޮށްފައިވެ އެވެ.
