ލިއޯ ގްރޫޕް ގެ ވޮލީ މުބާރާތަށް ބޮޑު ތަރުހީބެއް، ފައިނަލް މެޗް މިރޭ!
ލިއޯ ގްރޫޕުން އިންތިޒާމް ކޮށްގެން ބާއްވާ ވޮލީ ލީގް 2026 ގައި ލިއޯ ގްރޫޕުގެ ދަށުން ހިންގާ ދިހަ ކުންފުނި ބައިވެރިވާއިރު، ސެމީ ފައިނަލް އަދި ފައިނަލް އޮންނާނީ ހޮނިހިރު ދުވަހުގެ ރޭގަ. މި ފަދަ މުބާރާތްތައް ކުރިއަށް އޮތް ތަނުގައި ވެސް ބާއްވައި މުވައްޒަފުންގެ މެދުގައި އެކުވެރިކަމާއި އެއްބައިވަންތަކަން ބަދަހިކުރުމަށް މަސައްކަތް ކުރާނެ ކަމަށް ލިއޯ ގްރޫޕުން ބުނެފައިވޭ.
ލިއޯ ގްރޫޕުން އިންތިޒާމް ކޮށްގެން ބާއްވާ ލިއޯ ގްރޫޕް ވޮލީ ލީގް 2026' | ލިއޯ ޓްރޭޑިންގ
ލިއޯ ގްރޫޕުން އިންތިޒާމް ކޮށްގެން ބާއްވާ ލިއޯ ގްރޫޕް ވޮލީ ލީގް 2026' އަށް ބޮޑު ތަރުހީބެއް ލިބިފައިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިވާ ކަމަށާ ފައިނަލް މެޗް އޮންނާނީ ހޮނިހިރު ދުވަހު ގެ ރޭ 09:00 ގައި ކަމަށް އެ ގްރޫޕުން ބުނެފި އެވެ.
ލިއޯ ގްރޫޕުން އިންތިޒާމުކޮށްގެން ބާއްވާ މި މުބާރާތުގެ މަގްސަދަކީ މުވައްޒަފުންގެ މެދުގައި ޓީމްވޯކް އިތުރުކުރުމާ ލީޑަރޝިޕް ހުނަރުތައް ދިރުވައި އާލާކޮށް ހުރިހާ މުވައްޒަފުންގެ ސިއްހަތަށް ވެސް ފައިދާވާ ގޮތަށް ވާދަވެރި އެހެނަސް އުފާވެރި ވަގުތުކޮޅެއް ހޭދަކުރެވޭ ގޮތަށް އިންތިޒާމް ކޮށްފައިވާ މުބާރާތެއް ކަމަށް އެ ގްރޫޕުން ވަނީ ބުނެފަ އެވެ.
ލިއޯ ގްރޫޕުން ބުނީ މި ލީގުގައި ލިއޯ ގްރޫޕުގެ ދަށުން ހިންގާ ދިހަ ކުންފުންޏެއް ބައިވެރިވާ ކަމަށެވެ.
މި މުބާރާތުގައި ބައިވެރިވާ ކުންފުނިތަކުގެ ތެރޭގައި ލިއޯ ޓްރޭޑިންގ، ލިއޯ ސްޓޯރސް އެންޑް ސަޕްލައި، ސާސް ކޮންސްޓްރަކްޝަން، ބްރެއިން ކޯރަލް، އީއެލްއެސް ލިއޯ، މެގްނެޓްރޯން މޯލްޑިވްސް، ވަރޓިކަލް ސޮލިއުޝަންސް، ލަޔަން އޭޖެންސީ، ފަން އަޒުލް އަދި އެސްއެސްއެޗްއީ (ސާވޭއިން ސަލްވޭޖް އެންޑް ހެވީ އިކުއިޕްމަންޓް) ހިމެނެ އެވެ.
މި މުބާރާތުގެ ސެމީ ފައިނަލް، ފައިނަލް އަދި ނިންމުމުގެ ރަސްމިއްޔާތު އޮންނާނީ ހޮނިހިރު ދުވަހުގެ ރޭ ގަ އެވެ. މި ހަފްލާ ޝަރަފުވެރި ކޮށްދެއްވުމަށް ހަމަޖެހިފައިވާނީ ސްޕޯޓްސް މިނިސްޓްރީގެ ނައިބު އަސްލަމް ރަހާ ގެ އިތުރުން ރާއްޖޭގެ ވޮލީބޯޅަ އެސޯސިއޭޝަންގެ ނައިބު ރައީސް އައިދާ އަބްދުލް ހަކީމެވެ.
ލިއޯ ގްރޫޕުން ބުނެފައިވާ ގޮތުގައި، މުވައްޒަފުންގެ ސިއްހަތާއި ކުޅިވަރަށް އިސްކަންދީ، ހަރަކާތްތެރި ދިރިއުޅުމެއް ކުރިއަށް ގެންދިއުމަށް މި ފަދަ މުބާރާތްތައް ކުރިއަށް އޮތް ތަނުގައި ވެސް ބޭއްވުމަށް އެ ގްރޫޕުން މަސައްކަތް ކުރާނެ އެވެ. މި ލީގުގެ ސަބަބުން މުވައްޒަފުންގެ މެދުގައި އެކުވެރިކަމާއި އެއްބައިވަންތަކަން ބަދަހިވެ، މަސައްކަތުގެ މާހައުލު އިތުރަށް ރަނގަޅުވާނެކަމަށް ލިއޯ ގްރޫޕުން އުއްމީދު ކުރާ ކަމަށް ވެސް ބުނެފައި ވެ އެވެ.
