ކާބޯތަކެތީގެ ހިދުމަތްދޭ ތަންތަނުން ނަގާ ފީ ދެ އަހަރު ދުވަހަށް ކުޑަކޮށްދޭން ނިންމައިފި
28 ޖެނުއަރީ 2026 | ބުދަ 18:52އަގަށް ބަދަލު ގެނައީ ބުދަ ދުވަހުން ފެށިގެން ދެ އަހަރު ދުވަހުގެ މުއްދަތަކަށް ކަމަށް އެމްއެފްޑީއޭ އިން ބުނި. ލޯކަލް ކައުންސިލް އިންތިހާބު ކައިރިވެފައިވާއިރު ފީ ކުޑަކުރި ސަބަބެއް އެ އިދާރާއިން ހާމަކޮށްފައެއް.
މޯލްޑިވްސް ފުޑް އެންޑް ޑްރަގު އޮތޯރިޓީ (އެމްއެފްޑީއޭ) | ސޯޝަލް މީޑިއާ
ކާބޯތަކެތީގެ ހިދުމަތްދޭ ތަންތަނުން ނަގަމުން އަންނަ ފީ އާއި ކެޓަގަރީ ފީ މޯލްޑިވްސް ފުޑް އެންޑް ޑްރަގު އޮތޯރިޓީ އިން ކުޑަކޮށްފި އެވެ.
އެއިދާރާއިން ބުނީ ކާބޯތަކެތީގެ ހިދުމަތްދޭ ތަންތަނުން ނަގަމުން އަންނަ ފީ އާއި ކެޓަގަރީ ފީ މޯލްޑިވްސް ފުޑް އެންޑް ޑްރަގު އޮތޯރިޓީ (އެމްއެފްޑީއޭ) އިން 50 ޕަސެންޓަށް ކުޑަކޮށްފައިވާ ކަމަށެވެ.
އެ އިދާރާ އިން ބުނީ ކާބޯތަކެތީގެ ހިދުމަތްދޭ ތަންތަނާއި ފަރާތްތައް ރަޖިސްޓަރީކޮށް، ލައިސަންސް ދޫކުރުމުގައި އަމަލުކުރާނެ ގޮތުގެ އިންތިގާލީ އުސޫލުގެ ދަށުން ކާބޯތަކެތީގެ ހިދުމަތްދޭ ތަންތަން ރަޖިސްޓަރީ ކުރުމުގައި އެ އޮތޯރިޓީން ނަގަމުންދާ ރަޖިސްޓްރޭޝަން ފީ އާއި ކެޓަގަރީ ފީ ކުޑަކުރަން ނިންމާފައިވާ ކަމަށެވެ.
އަގަށް ބަދަލު ގެނައީ ބުދަ ދުވަހުން ފެށިގެން ދެ އަހަރު ދުވަހުގެ މުއްދަތަކަށް ކަމަށް އެމްއެފްޑީއޭ އިން ބުންޏެވެ.
ލޯކަލް ކައުންސިލް އިންތިހާބު ބޯމަތިވެފައިވާ ދަނޑިވަޅެއްގައި ކާބޯތަކެތީގެ ހިދުމަތް ފޯރުކޮށްދޭ ތަންތަނަށް ނަގާ ފީ ކުޑަކުރި ސަބަބެއް އެމްއެފްޑީއޭ އިން ހާމަކޮށްފައެއް ނުވެ އެވެ.
