އިންޑިއާ އިން ސްރީލަންކާ އަށް 450 މިލިއަން ޑޮލަރުގެ އެހީ ދޭން ނިންމައިފި
23 ޑިސެމްބަރު 2025 | އަންގާރަ 10:15އިންޑިއާގެ ބޮޑުވަޒީރު ނަރެންދުރަ މޯދީގެ ސިޓީއެއް ސްރީލަންކާގެ ރައީސް އަނޫރާ ކުމާރާ ޑިސަނާޔަކެ އަށް ހަވާލުކުރައްވައި، އިންޑިއާ އިން ސްރީލަންކާ އަލުން ބިނާކުރުމަށް 450 މިލިއަން ޑޮލަރުގެ އެހީ ދިނުމަށް ނިންމައިފި ކަމަށް އިންޑިއާގެ ޚާރިޖީ ވަޒީރު ވިދާޅުވި. މި އެހީގައި 350 މިލިއަން ޑޮލަރުގެ ލުއި ލޯނާއި 100 މިލިއަން ޑޮލަރުގެ ހިލޭ އެހީ ހިމެނޭ.
އިންޑިއާގެ ފޮރިން މިނިސްޓަރު ސުބްރަމަނިޔަމް ޖައިޝަންކަރު 23 ވަނަ އިންޑިއަން އޯޝަން ރިމް އެސޯސިއޭޝަން (އައިއޯއާރުއޭ) ގެ ބައްދަލުވުމަށް ލަންކާ އަށް ކުރެއްވި ދަތުރުފުޅުގައި މީޑިއާ ބްރީފިންގ އަކަށް ވަޑައިގަންނަވަނީ - އޮކްޓޯބަރު 11، 2023
އިންޑިއާގެ އެކްސްޓަރނަލް އެފެއަރޒް މިނިސްޓަރު ޑރ. އެސް. ޖައިޝަންކަރު އަންގާރަ ދުވަހު އިޢުލާން ކުރެއްވި ގޮތުގައި، އިންޑިއާ އިން ވަނީ ސްރީލަންކާ އަށް 450 މިލިއަން އެމެރިކާ ޑޮލަރުގެ އެހީ އެ ގައުމު އަލުން ބިނާ ބިނާކުރުމަށް ދިނުމަށް ނިންމާފަ އެވެ.
ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ޑރ. ޖައިޝަންކަރު އަންގާރަ ދުވަހު ވިދާޅުވީ، މި މެސެޖު ހިމެނޭ ބޮޑުވަޒީރު ނަރެންދުރަ މޯދީގެ ސިޓީއެއް ރައީސް އަނޫރާ ކުމާރާ ޑިސަނާޔަކެ އަށް ހަވާލުކުރައްވާފައިވާ ކަމަށެވެ.
"އަޅުގަނޑުމެން ހުށަހަޅާފައިވާ އެހީގެ ޕެކޭޖުގެ އަގަކީ 450 މިލިއަން އެމެރިކާ ޑޮލަރެވެ. އޭގައި 350 މިލިއަން އެމެރިކާ ޑޮލަރުގެ ލުއި ލޯނަކާއި 100 މިލިއަން އެމެރިކާ ޑޮލަރުގެ ހިލޭ އެހީ ހިމެނޭނެ،" ޑރ. ޖައިޝަންކަރު ވިދާޅުވި އެވެ.
ޑރ. ޖައިޝަންކަރު އިތުރަށް ވިދާޅުވީ، ޑިޓުވާ ތޫފާނުގެ ސަބަބުން ލިބުނު ގެއްލުންތަކާ ގުޅޭގޮތުން ސްރީލަންކާ ގެ ރައީސް އާ އެކު ތަފްސީލީ މަޝްވަރާތަކެއް ކުރައްވާފައިވާ ކަމަށާއި، މި އެހީ އަވަހަށް ފޯރުކޮށްދެވޭނެ ގޮތްތަކާ ބެހޭގޮތުން ވެސް މަޝްވަރާކުރެއްވި ކަމަށެވެ.
ސްރީލަންކާ އަށް ކުރައްވަމުން ގެންދަވާ ރަސްމީ ދަތުރުފުޅުގައި ސްރީލަންކާގެ ރައީސް އާ އަންގަރާ ދުވަހު ބައްދަލު ކުރައްވާ ދެގައުމުގެ ގުޅުމާ ބެހޭ ބެހޭ ގޮތުން ވަނީ މަޝްވަރާ ކުރައްވާފަ އެވެ.
