އެމެރިކާ އިން އިންޑިއާ އަށް 92.8 މިލިއަން ޑޮލަރުގެ ހަތިޔާރު ވިއްކުމުގެ ހުއްދަ ދީފި

އެމެރިކާ އިން އިންޑިއާ އަށް 92.8 މިލިއަން ޑޮލަރު ގެ ހަތިޔާރު ވިއްކުމަށް ހުއްދަ ދީފައިވާ ކަމަށް އެމެރިކާގެ ސްޓޭޓް ޑިޕާޓްމަންޓުން ބުނެފިއެވެ.

މި ހަތިޔާރުތަކުގެ ތެރޭގައި ޖެވެލިން އެންޓި-ޓޭންކް މިސައިލްތަކާއި އެކްސްކެލިބާ ޕްރިސިޝަން އާޓިލަރީ ޕްރޮޖެކްޓައިލްތައް ހިމެނެއެވެ.

މިކަން އެމެރިކާ އިން ހާމަ ކުރީ އިންޑިއާގެ ބޮޑުވަޒީރު ނަރެންދުރަ މޯދީ ވޮޝިންޓަންގައި ޑޮނަލްޑް ޓްރަމްޕާ ބައްދަލު ކުރެއްވިތާ ނުވަ މަސްދުވަސް ފަހުންނެވެ. އެ ބައްދަލު ކުރެއްވުމުގައި ދެ ލީޑަރުން "ދިފާއީ ގުޅުންތައް ކުރިއަރުވަން" ވަނީ އެއްބަސްވެފަ އެވެ.

މޯދީ އެމެރިކާ އަށް ކުރެއްވި ދަތުރުފުޅާ ގުޅިގެން އޮކްޓޯބަރު މަހު ކުރިއަށް އޮތް 10 އަހަރު ދުވަހު ގެ މުއްދަތައް ދިފާއީ ގުޅުން ފުޅާ ކުރުމަށް ފްރޭމްވޯކް އެއްބަސްވުމެއްގައި ދެ ގައުމުން ވަނީ ސޮއިކޮށްފަ އެވެ.

އެމެރިކާ އިން އިންޑިއާ އަށް ހަތިޔާރު ފޯރުކޮށްދޭ މި ދަނޑިވަޅަކީ، ހަތިޔާރު ހޯދުމަށް އިންޑިއާ އިން ރަޝިޔާ އަށް ބަރޯސާވާ މިންވަރު ކުޑަކުރުމަށް މަސައްކަތް ކުރަމުންދާ ދަނޑިވަޅެއްކަން ފާހަގަ ކުރެވެއެވެ. ޓްރަމްޕް ވަނީ އެމެރިކާ ގައި އުފައްދާ ހަތިޔާރުތައް ގިނައިން ގަތުމަށް އިންޑިއާ ގެ ކިބައިން އެދިފައި ކަމަށް ރިޕޯޓު ތައް ބުނެއެވެ.

ރަޝިއާ އަކީ އަދިވެސް އިންޑިއާ އަށް އެންމެ ގިނައިން ހަތިޔާރު ފޯރުކޮށްދޭ ގައުމުގެ ގޮތުގައި ދެމިއޮތް ނަމަވެސް، 2017 އިން 2023 އަށް އިންޑިއާ އިން އެމެރިކާ ގައި އުފައްދާ ހަތިޔާރު ގަންނަން ފެށުމާއެކު އެ ހިއްސާ 62% އިން 34% އަށް ދަށްވެފައިވެއެވެ.

އަނެއް ކޮޅުން އެމެރިކާ އިން އިންޑިއާ އިން ކުރާ ދިފާއީ ހަތިޔާރު ގަތުމުގެ ވިޔަފާރި ގާތްގަނޑަކަށް ސުމަކުން 20 ބިލިއަން ޑޮލަރަށް އަރައިފައިވާއިރު، އެމެރިކާ މިހާރު ވެފައި ވަނީ އިންޑިއާ އަށް ތިން ވަނަ އަށް އެންމެ ގިނައިން ހަތިޔާރު ފޯރުކޮށްދޭ ގައުމުގެ ގޮތުގައެވެ. އިންޑިއާ އަށް އެންމެ ގިނަ ހަތިޔާރު ފޯރުކޮށްދެނީ ރަޝިއާ އާއި ފްރާންސް އިން ނެވެ.

ޑިޕާޓްމަންޓް އޮފް ސްޓޭޓްގެ ޑިފެންސް ސެކިއުރިޓީ ކޯ-އޮޕަރޭޝަން އޭޖެންސީ (ޑީއެސްސީއޭ) އިން ބުނީ މި ހަތިޔާރުތަކުން "މިހާރުގެ އަދި ކުރިއަށް އޮތް ނުރައްކާތަކާ ކުރިމަތިލުމުގައި އިންޑިއާގެ ގާބިލްކަން ރަނގަޅުކުރާނެ" ކަމަށެވެ.

ބަޔާނެއްގައި ބުނީ 45.7 މިލިއަން ޑޮލަރުގެ ޖެވެލިން މިސައިލް ސިސްޓަމް ވިއްކުމަށް ހުއްދަ ދީފައިވާ ކަމަށެވެ. މި ސިސްޓަމްގައި 100 އެފްޖީއެމް-148 ޖެވެލިން ރައުންޑް، "ފްލައި-ޓު-ބައި" މިސައިލަކާއި އަދި 25 ލައިޓްވެއިޓް ކޮމާންޑް ލޯންޗް ޔުނިޓް ހިމެނެއެވެ.

މި ޕެކޭޖުގައި ސިމިއުލޭޝަން ރައުންޑްތަކާއި، ތަމްރީނު ދިނުމާއި، ސްޕެއާ ޕާޓްސް، ޓެކްނިކަލް އެހީތެރިކަމާއި އެހެނިހެން ލޮޖިސްޓިކަލް ސަޕޯޓް ވެސް ހިމެނެއެވެ.