ދުބާއީ އެއާޝޯ ގައި އުދުހެމުން ދިޔަ އިންޑިއާގެ ފައިޓާ ޖެޓެއް ވެއްޓި ޕައިލެޓް މަރުވެއްޖެ

ދުބާއީ އެއާޝޯ ގައި އުދުހެމުން ދިޔަ އިންޑިއާގެ ފައިޓާ ޖެޓެއް ވެއްޓި ޕައިލެޓް މަރުވެއްޖެ އެވެ.

ހުކުރު ދުވަހު ހިނގި މި ހާދިސާ ގައި ޓެޖާސް ފައިޓަރ ޖެޓް ވެއްޓުނީ ޝޯވ ގައި ޕައިލެޓް ޑިސްޕްލޭ އެއް ދައްކަމުން ދަނިކޮށްނެވެ.

އިންޑިއާ ގެ އެއާފޯސް ގައި ބޭނުން ކުރާ ކޮމްބެޓް އެއަރކްރާފްޓް ވެއްޓުނު އިރު ޝޯވ ބަލަން ގިނަ އަދަދެއްގެ ބަޔަކު ވަނީ ހާޒިރުވެފަ އެވެ. ބޯޓު ވެއްޓުނީ ދުބާއީ ގަޑިން މެންދުރުފަހު 2:10 ހާއިރު އެވެ.

ބޯޓު ވެއްޓުނީ ދުބާއީ ވޯލްޑް ސެންޓްރަލް ގައި ހުންނަ އަލް މަޚްތޫމް އިންޓަނޭޝަނަލް އެއަރޕޯޓަށެވެ. އެއާ އެކު ބޯޓުގައި ރޯވެ، ބޯދުންތަކެއް އަރައިގެން ދިޔަ މަންޒަރު ފެނުނެވެ.

ދުބާއީ އެއާޝޯ އަކީ ކޮންމެ އަހަރު ދެފަހަރު ބާއްވާ ބާއްވަމުން އަންނަ ޝޯވ އެކެވެ.

ޓެޖާސް އަކީ އިންޑިއާ އިން އަމިއްލަ އަށް އުފައްދާ ހަނގުރާމަމަތީ ޖެޓެކެވެ. މިބާވަތުގެ ބޯޓު އުފައްދަނީ، ސަރުކާރުން ހިންގާ ހިންދުސްތާން އެއަރޮނޯޓިކްސް ލިމިޓެޑުންނެވެ.

ސެޕްޓެމްބަރު މަހު، އިންޑިއާގެ ޑިފެންސް މިނިސްޓްރީން ވަނީ ހިންދުސްތާން އެއަރޮނޯޓިކްސް ލިމިޓެޑް އާއެކު އެއަރފޯސް އަށް ބޭނުންވާ 97 ޓެޖާސް ޖެޓް އުފެއްދުމަށް ކޮންޓްރެކްޓެއްގައި ސޮއިކޮށްފަ އެވެ. މި އޯޑަރުގެ ދަށުން ބޯޓުތައް ފޯރުކޮށްދޭން ހަމަ ޖެހިފައި ވަނީ 2027 ގެ ތެރޭގަ އެވެ.

އިންޑިއާ ސަރުކާރުން 2021 ގައި އެޗްއޭއެލް އާއެކު 83 ޓެޖާސް އެއަރކްރާފްޓަށް ޑީލެއް ގައި ވެސް ސޮއިކުރި އެވެ. ފާއިތުވި އަހަރު ލިބޭނެ ކަމަށް ލަފާކުރި ބޯޓު ތައް ލިބުން ލަސްވެފައި ވަނީ އެމެރިކާ އިން އިމްޕޯޓް ކުރަންޖެހޭ އިންޖީނުތައް ލިބުމުގެ ދަތިތަކުގެ ސަބަބުން ކަަމަށް ވެއެވެ.