މުމްބާއީގައި ދިން ހަމަލާއާ ގުޅިގެން ދެ މީހަކަށް މަރުގެ ހުކުމް އިއްވައިފި

އިންޑިއާގެ މުމްބާއީގައި 1993 ވަަނަ އަހަރު ދިން ބޮމުގެ ހަމަލާގައި ބައިވެރިވެރިވި ދެ މީހެއްގެ މައްޗަށް މުމްބާއީގެ ކޯޓަކުން މަރުގެ ހުކުމް އިއްވައިފިއެވެ.

ފީރޯޒް ޚާންއާއި ތާހިރު މާޗަންޓްގެ މައްޗަށް ވަނީ ސިއްރު ޖަރީމާ ރޭވުމާއި މީހުން މެރުމުގެ ކުށް ސާބިތުވެފައެވެ.

ބޮމުގެ ހަމަލާއަށް ފަހު އިންޑިއާ ދޫކޮށް ފިލައިގެން ޕޯޗުގަލް އަށް ގޮސް ހުއްޓައި އެކްސްޓްރެޑިޝަންގެ ދަށުން 2005 ވަނަ އަހަރު އިންޑިއާއަށް ގެންދެވުނު އަބޫސަލީމް އާއި އެކު ކަރީމުﷲ ޚާންގެ މައްޗަށް ވަނީ އުމުރު ދުވަހުގެ ޖަލު ހުކުމް އިއްވިފައެވެ.

އެ ހަމަލާއަކީ މުސްލިމުން މަރަމުން ގެންދިއުމުގެ ބަދަލު ހިފުމުގެ ގޮތުން ދެވުނު ހަމަލާއެއް ކަމަށް ވަނީ ތުހުމަތު ކުރެވިފައެވެ. އެތައް ތަނަކަށް ހަމަލާ އަމާޒުކުރެވުނު އިރު 257 މީހުން މަރުވެފައިވެއެވެ.

ރިޔާޒް ސިއްދީޤް ނަމަކަށް ކިޔާ އިތުރު ފިރެހެނަކު ވެސް ވަނީ 10 އަހަރަށް ޖަލަށް ލާފައެވެ. 2003 ވަނަ އަހަރާއި 2010 ވަނަ އަހަރާ ދެމެދު ހަތް ފިރެހެނަކު ހައްޔަރުކޮށް ވަކިވަވަކިން ދައުވާކޮށްފައިވެއެވެ.

އޭގެ ތެރެއިން ހަ މީހެއްގެ މައްޗަށް ކުށް ސާބިތުވާ ކަމަށް ޖޫން މަހު ވަނީ ކަނޑައަޅާފައެވެ. މުސްތަފާ ދޫސާ ނަމަކަށް ކިޔާ ފިރެހެނަކަށް ވަނީ ހުކުމް އިއްވިތާ ގިނަ ދުވަހެއް ނުވެ މަރުވެފަައެވެ.

ކުށް ސާބިތުނުވާތީ އެކަކު ވަނީ ދޫކޮށްލާފައެވެ.