ލޫޓުވައިފި އެއްވުމަށް އަންނަ މީހުންގެ އަދަދު ފެނި ސަރުކާރުން ކެތްނުވެގެން ޕިކަޕްތައް ނެރެން ފަށައިފި

އެމްޑީޕީ އިން ބާއްވާ ލޫޓުވައިފި އެއްވުމަށް އަންނަ މީހުންގެ އަދަދު ފެނި ސަރުކާރުން ފިތުނަ ފަތުރަން ޕިކަޕްތައް ނެރެން ފަށައިފިއެވެ.

ޕީއެންސީ އަދި ސަރުކާރަށް ހުކުުރު ދުވަހުގެރޭގެ އެއްވުމަށް އަންނަ މީހުންގެ އަދަދުތައް ފެނި އެއްވުމާއި ގުޅިގެން ދަނީ ދޮގު ފަތުރަމުންނެވެ. އެގޮތުން މީގެ ކުރިން ޕީއެންސީގެ ސޯޝަލް މީޑިއާއައި ޓެކްސް ފައިސާއިން މުސާރަނަގައިގެން ތިބި ސިޔާސީ އިސް މީހުން ދިޔައީ އެއްވުން ޖަލްސާއަކަށް ބަދަލުވެއްޖެ ކަމަށް ބުނެ ހަބަރުތައް ފަތުރަމުންނެވެ.

ނަމަވެސް ސަރުކާރުގެ ހީލަތްތެރިކަން ރައްޔިތުންނަށް އެނގޭތީ ރަށްރަށުން އަންނަ މީހުން ދަނީ އިތުރުވަމުންނެވެ. މިއާއެކު ޕީއެންސީ އަޑީގައި އޮވެގެން އެމްޑީޕީއާއި ގުޅުވައި ސިޔާސީ ފަރާރްތަކުން މާކުރިން ދައްކާފައި ހުރި ވާހަކަތައް ހިމެނޭ ގޮތަށް ސްޕީކަރުތައް ހަރުކޮށް މާލެ އާއި ހުޅުމާލޭގެ އެކި ސަރަހައްދުތަކުގައި ދަނީ ޕިކަޕް ދުއްވަމުންނެވެ.

އެގޮތުން ޕިކަޕްތަކުގައި ޖަހަމުންދަނީ އެމްޑީޕީ ތެރޭގައި މައްސަލަ އުފެދި ދަ ޑިމޮކްރެޓްސް އުފައްދާ އެ ޕާޓީއިން ދެއްކި ވާހަކަތަކެވެ. މި ވާހަކަތައް ފަތުރަމުން މިހާރު ދަނީ ހުކުރު ދުވަހުގެރޭގެ ޖަލްސާއަށް ދާ މީހުން އިތުރުވަމުންދާތީ އާއި ސަރުކާރަށް ޕްރެޝަރު ބޮޑުވެގެންނެވެ.