ފަރަންސޭސި ސަރުކާރާ ދެކޮޅަށް އެތައް ލައްކަ މީހުން ބުރާސްފަތި ދުވަހު މުޒާހަރާ އަށް ނުކުންނަނީ
ފްރާންސްގެ ރައްޔިތުންގެ މެދުގައި ދިރިއުޅުމުގެ އަގު ބޮޑުވުމާ ގުޅިގެން ހިތްހަމަ ނުޖެހުން އިތުރުވެފައިވާ މި ދަނޑިވަޅުގައި މި އިހުތިޖާޖުގައި 800،000 އަށްވުރެ ގިނަ މީހުން ބައިވެރިވެ، ސްކޫލްތަކާއި ދަތުރުފަތުރުގެ ޚިދުމަތްތައް ހުއްޓުމަކަށް އަންނާނެ ކަމަށް ލަފާކުރެވޭ ކަމަށް ރިޕޯޓުތައް ބުނޭ.
ފްރާންސް ރައްޔިތުން ބުރާސްފަތި ދުވަހު މުޅި ގައުމުގައި މުޒާހަރާ ކުރުމަށް ތައްޔާރުވަމުން އަންނައިރު، ކަމާބެހޭ ފަރާތްތަކުން ލަފާ ކުރާ ގޮތުގައި ގާތްގަނޑަކަށް 800،000 މީހުން މަގުމައްޗަށް ނުކުންނާނެ ކަމަށް ބެލެވެ އެވެ.
ފަރަންސޭސި ސަރުކާރާ ދެކޮޅަށް އެތައް ލައްކަ މީހުން ބުރާސްފަތި ދުވަހު މުޒާހަރާ އަށް ނުކުންނަން ތައްޔާރު ވަމުންދާ ކަމަށް ރިޕޯޓުތައް ބުނެފިއެވެ.
ބުރާސްފަތި ދުވަހު ޤައުމީ ފެންވަރުގައި ހިނގާނެ މުޒާހަރާ އަށް ފަރަންސޭސި ވިލާތުން ތައްޔާރުވަމުން ދާއިރު، ސަރުކާރުގެ މަސްދަރުތަކާ ހަވާލާދީ ރިޕޯޓުތައް ބުނާ ގޮތުގައި 800،000 މީހުން މަގުމައްޗަށް ނުކުންނާނެ ކަމަށް ލަފާކުރެވެއެވެ.
ރައްޔިތުން މަގުމައްޗަށް ނުކުންނަން މަސައްކަތްތެރިންގެ ޔޫނިއަންތަކުން ގޮވާލީ ދިރިއުޅުމުގެ އަގުތައް އުފުލިފައިވަނިކޮށް ފްރާންސްގެ އިތުރުވަމުންދާ ދަރަނި ދަށް ކުރުމަށް ސަރުކާރުން ތައްޔާރު ކޮށްފައިވާ ބަޖެޓު ޑްރާފްޓަށް އިހުތިޖާޖު ކުރުމުގެ ގޮތުންނެވެ.
ބުރާސްފަތި ދުވަހު އެއްގަމު ދަތުރުފަތުރާއި، ވައިގެ ދަތުރުފަތުރަށް ހުރަސްތަކެއް ކުރިމަތިވެ، ގިނަ ސްކޫލްތަކެއް ބަންދުވާނެ ކަމަށް ބެލެވެއެވެ.
މި އިހުތިޖާޖުތައް ރޭވިފައިވަނީ ރައީސް އެމެނުއެލް މެކްރޯން އޭނާގެ ގާތް ފަރާތެއް ކަމަށްވާ ސެބަސްޓިއަން ލުކޮނޫ، ސިޔާސީ ހަމަނުޖެހުން ގެނައުމުގެ އުއްމީދުގައި ބޮޑުވަޒީރު ކަމަށް އައްޔަން ކުރެއްވިތާ މަދު ދުވަސްކޮޅެއްގެ ތެރޭގައެވެ.
ލުކޮނޫ ގެ ކުރިން ހުންނެވި ބޮޑުވަޒީރު ފްރާންސުއާ ބެއިރޫ، ފްރާންސްގެ ދަރަނި ކުޑަކޮށް، އިތުރުވަމުންދާ ދަރަނި ހައްލުކުރުމަށް ހުށަހެޅުއްވި ޚަރަދު ކުޑަކުރުމުގެ ބަޖެޓެއް ފާސްކުރަން މަސައްކަތްކުރެއްވުމާ ގުޅިގެން ގާނޫނު ހަދާ މަޖިލީހުން އޭނާގެ އިތުބާރު ނެތްކަމުގެ ވޯޓެއް ނަގާ މަގާމުން ވަނީ ވަކިކޮށްފައެވެ.
ފާއިތުވި ހަފްތާގެ ބުދަ ދުވަހު، ސޯޝަލް މީޑިއާގައި "ބްލޮކް އެވްރީތިންގ" ގެ ނަމުގައި، ފެށި އިހުތިޖާޖެއް ގައި މެކްރޯންއާ ދެކޮޅަށް 200،000 މީހުން ވަނީ މުޒާހަރާ ކޮށްފައެވެ.
އޮފިޝަލުން ބުނާ ގޮތުގައި ބުރާސްފަތި ދުވަހު އަދި މާ ގިނަ އަދަދެއްގެ ބަޔަކު މުޒާހަރާ އަށް ނުކުންނާނެ ކަމަށް ބެލެވެއެވެ. ވަޒީފާގެ ޔޫނިއަންތަކުން އިހުތިޖާޖުކުރާ މީހުން މަގުމައްޗަށް ނުކުތުމަށް ގޮވާލީ ސިޔާސީ ހަމަނުޖެހުމާއި ދިރިއުޅުމުގެ އަގުބޮޑުވުމާ ގުޅިގެން އާންމުން ރުޅިއައިސްފައިވާ ވަގުތެއްގައި ކަން ފާހަގަ ކުރެވެއެވެ.
މަސްދަރު: އޭއެފްޕީ
