އިނގިރޭސި ޚާރިޖީ ވަޒީރު އެ ގައުމުގެ ބޮޑު ވަޒީރުގެ ނައިބު ކަމުގެ މަގާމަށް އައްޔަން ކޮށްފި
ބްރިޓެނުގެ ސަރުކާރަށް ބޮޑު ބަދަލެއް އަންނަމުން މި ދަނީ ބޮޑު ވަޒީރުގެ ނައިބު ޓެކްސް މައްސަލަ އެއްގައި ކުއްލި ގޮތަކަށް ހުކުރު ދުވަހު އިސްތިއުފާ ދެއްވުމާ ގުޅިގެންނެވެ.
ރާއްޖެ އެމްވީ | 5 ސެޕްޓެމްބަރު 2025 | ހުކުރު 15:21
އިނގިރޭސިވިލާތުގެ ފޮރިން މިނިސްޓަރު ޑޭވިޑް ލެމީ
ޓެކްސްގެ މައްސަލައެއްގައި އިނގިރޭސިވިލާތުގެ ބޮޑު ވަޒީރުގެ ނައިބު އެންޖެލާ ރޭނަރ އިސްތިއުފާ ދިނުމާ ގުޅިގެން، އެ މަގާމަށް ފޮރިން މިނިސްޓަރ ޑޭވިޑް ލެމީ އައްޔަން ކޮށްފި ކަމަށް ބީބީސީ ނިއުސް އިން ހުކުރު ދުވަހު ރިޕޯޓުކޮށްފައިވެއެވެ.
ހުކުރު ދުވަހުގެ ކުރީކޮޅު، ގާޑިއަން ނޫހުގެ ޕޮލިޓިކަލް އެޑިޓަރ ޕިޕާ ކްރެރާ ވަނީ އެކްސްގައި ކުރި ޕޯސްޓެއްގައި، މިހާރު އިންޓީރިއަރ މިނިސްޓަރުގެ މަގާމުގައި ހުންނެވި އީވެޓް ކޫޕަރ ލެމީގެ ބަދަލުގައި ފޮރިން މިނިސްޓަރުގެ މަގާމަށް އައްޔަން ކުރެވޭނެ ކަމަށް ބުނެފައެވެ.
