މެލޭޝިއާގައި ދިރިއުޅޭ ދިވެހިންނަށް ޚާއްސަކޮށްގެން ހޭންޑްބޯޅަ މުބާރާތެއް ބާއްވަނީ
ދިވެހީންގެ ހޭންޑު ބޯޅަ އިން އިންތިޒާމު ކުރާ މި މުބާރާތުގެ މަޤުސަދަކީ ޒުވާނުންގެ މެދުގައި އެކުވެރިކަމާއި، އެއް ރޫޙެއް އުފައްދައި، ރާއްޖެ އިން ބޭރުގައި ކިޔަވާ ދިވެހި ދަރިވަރުންގެ މެދުގައި އެކުވެރިކަން އާލާ ކުރުވުމެވެ.
ދިވެހީންގެ ހޭންޑު ބޯޅަ ކަޕްގެ ރަސްމީ ލޯގޯ
މެލޭޝިއާގައި ދިރިއުޅެމުން އަންނަ ދިވެހިންނަށް ޚާއްސަކޮށްގެން، "ދިވެހީންގެ ހޭންޑު ބޯޅަ ކަޕް"ގެ ނަމުގައި މުބާރާތެއް ބާއްވަން ނިންމައިފި އެވެ.
މިއީ މެލޭޝިއާގައި ދިރިއުޅޭ ދިވެހިންނަށް ޚާއްސަކޮށްގެން މި ފަދަ ގޮތަކަށް ހޭންޑު ބޯޅަ މުބާރާތެއް ބާއްވާ ފުރަތަމަ ފަހަރެވެ. މި މުބާރާތުގެ މަޤުސަދަކީ މެލޭޝިއާގައި ދިރިއުޅެމުން އަންނަ ދިވެހިންގެ މެދުގައި އެކުވެރިކަމާއި، އެއްބައިވަންތަކަން އާލާ ކުރުވުމެވެ.
މި މުބާރާތް ކުރިއަށް ގެންދަން މިހާރު ތާވަލު ކޮށްފައި ވަނީ އަންނަ އޮކްޓޫބަރު މަހުގެ ތެރޭގަ އެވެ. އަދި މުބާރާތް އޮންނާނެ ސަރަހައްދު ފަހުން އިއުލާން ކުރެވޭނެ ކަމަށް ވެސް، މުބާރާތް އިންތިޒާމު ކުރާ ފަރާތުން ވަނީ ބުނެފަ އެވެ.
މުބާރާތުގައި ބައިވެރިވުމުގެ ފުރުސަތު އޮތީ ދިވެހި ޓީމު ތަކަށެވެ. އެގޮތުން މެލޭޝިއާގައި އުޅޭ ކިޔަވާ ދިވެހި ދަރިވަރުންނާއި، ޕްރޮފެޝަނަލް ފަރާތްކަށް މުބާރާތުގައި ބައިވެރި ވެވޭނެ އެވެ. ކޮންމެ ޓީމެއްގައި ވެސް، ރާއްޖެ އަށް ނިސްބަތް ނުވާ އެއް ކުޅުންތެރިޔަކު ހިމެނޭނެ އެވެ.
މުބާރާތް ކުރިއަށް ގެންދަން ރާވާފައި ވަނީ ވާދަވެރި ގޮތެއްގައި ކުޅުމަށް ފަހު، ސެމީ ފައިނަލް އަދި ފައިނަލް ކުޅޭ ގޮތަށެވެ. މުބާރާތުގެ ޗެމްޕިއަން ޓީމަށް އިނާމު ދިނުމަށް ހަމަޖެހިފައިވާއިރު، އެންމެ މޮޅު ހަތް ކުޅުންތެރިން އަދި އެންމެ މޮޅު ކުޅުންތެރިޔާ ވެސް ހޮވާނެ އެވެ.
ދިވެހީންގެ ހޭންޑު ބޯޅަ އިން އިންތިޒާމު ކުރާ މި މުބާރާތުގެ މަޤުސަދަކީ ޒުވާނުންގެ މެދުގައި އެކުވެރިކަމާއި، އެއް ރޫޙެއް އުފައްދައި، ރާއްޖެ އިން ބޭރުގައި ކިޔަވާ ދިވެހި ދަރިވަރުންގެ މެދުގައި އެކުވެރިކަން އާލާ ކުރުވުމެވެ.
