އޮގަސްޓް 7ގެ ފަހުން ސަރުކާރުން ކުރި ޚަރަދުގެ މާލީ ރިޕޯޓެއް ނުނެރޭ

އޮގަސްޓް 7ގެ ފަހުން ސަރުކާރުން ކުރި ޚަރަދުގެ މާލީ ރިޕޯޓް ނެރެފައި ނުވާކަން ހާމަވެއްޖެއެވެ.

މީގެ ކުރިން ވެސް މި ސަރުކާރުން މާލީ ތަފްސީލްތައް ހާމަ ނުކުރާތީ އާއްމުން ވަރަށް ބޮޑަށް އެކަމާއި ކަންބޮޑުވުން ފާޅުކުރިއެވެ. މިހާރު އަނެއްކޥާެސް ސަރުކާރުގެ މާލީ ރިޕޯޓް އާއްމު ނުކުރާތާ 3 ހަފްތާ ވަނީ ވެފައެވެ.

ފިނޭންސުން އެންމެ ފަހުން ވީކްލީ ފިސްކަލް ރިޕޯޓު އާއްމުކޮށްފައި ވަނީ އޮގަސްޓު 14 ގައެވެ. މި މަހުގެ 7، އާ ހަމައަށް މާލީ ހިސާބުތަކުގެ ތަފްސީލް އެ ރިޕޯޓްގައި ޝާމިލްކޮށްފައިވެއެވެ.

މިއީ ފާއިތުވި ދެ މަސް ދުވަހުގެ ތެރޭގައި މާލީ ހިސާބުތައް ހާމަކުރުން މެދުކެނޑުނު ދެވަނަ ފަހަރެވެ. މިދިޔަ މަހު ވެސް ދެ ހަފުތާގެ މުއްދަތަށް ސަރުކާރުގެ މާލީ ހިސާބުތައް އާންމުކުރުން މެދުކެނޑުނެވެ.

މީގެ އިތުރުން މިދިޔަ އަހަރުގެ ޖޫން މަހުގެ ވަކި ހިސާބަކުން ފެށިގެން މިދިޔަ އަހަރުގެ އޮގަސްޓު 29 އާއި ހަމައަށް ދައުލަތުގެ މާލީ ހިސާބުތައް ސަރުކާރުން ވަނީ ސިއްރުކޮށްފައެވެ. އެ ފަހުން ހިސާބުތައް ހާމަކުރަން ފެށީ އެ ކަމާއި ގުޅިގެން އާއްމުންގެ ޕްރެޝަރ ސަރުކާރަށް ވަރަށް ބޮޑުވެފައި ވަނިކޮށެވެ.