ނިއުގެ ކޯޗަކަށް ސުޒޭން ހަމަޖެއްސުމަކީ ކުޅިވަރުގައި ކުއީން ވަޙީދު ޙާސިލު ކުރަން ބޭނުންވި ކަމެއް
2016 ވަނަ އަހަރު ކުއީން ވަޙީދު އެހެން ވިދާޅުވީ އޭނާގެ ގޭގައި އިންނަވައި ކަމަށާއި، ކުޅިވަރުގައި ޙާސިލު ނުވެ އޮތީ ދެ ކަމެއް ކަމަށް ކުއީން ވަޙީދު ވިދާޅުވެފައިވާ ކަމަށް އަޒްމީންގެ ޕޯސްޓުގައިވެ އެވެ. އެގޮތުން ފުރަތަމަ ކަމަކީ ނިއު ރޭޑިންޓަށް ބޭރުން ތައްޓެއް ހޯދުން ކަމަށާއި، ދެ ވަނަ ކަމަކީ ނިއު ރޭޑިއަންޓުގެ ކޯޗަކަށް ސުޒޭން ހަމަޖެއްސުން ކަމަށް ކުއީން ވަޙީދު ވިދާޅުވެފައިވާ ކަމަށް ފާހަގަ ކޮށްފައިވެ އެވެ.
ނިއު ރޭޑިއަންޓުގެ ބާނީ ކުއީން ވަޙީދު އަދި ކޯޗު އަލީ ސުޒޭން
ނިއު ރޭޑިއަންޓް ސްޕޯޓްސް ކުލަބުގެ ކޯޗަކަށް، އަލީ ސުޒޭން ހަމަޖެއްސުމަކީ، އަޙުމަދު ވަޙީދު (ކުއީން ވަޙީދު) ކުޅިވަރުގައި ޙާސިލު ކުރަން ބޭނުވާ ކަމެއް ކަމަށް ވިދާޅުވެފައިވާ ކަމަށް، ޢަބްދުﷲ އަޒްމީން ވިދާޅުވެއްޖެ އެވެ.
ގިނަ އަހަރުތަކެއް ވަންދެން ކުޅިވަރު ނޫސްވެރިއެއްގެ ގޮތުގައި މަސައްކަތް ކުރުމަށް ފަހު، މިހާރު ކުލަބު ވެލެންސިއާގެ ޗެއާމަން ކަމުގެ މަގާމުގައި ހުންނެވި އަޒްމީން މިހެން ވިދާޅުވެފައި ވަނީ އޭނާގެ ފޭސްބުކު އެކައުންޓުގައި ކުރި ޕޯސްޓެއްގަ އެވެ.
ނިއު ރޭޑިއަންޓުގެ ކޯޗުގެ މަޤާމަށް ސުޒޭން ހަމަޖެއްސުމާ ގުޅިގެން، އަޒްމީން ކޮށްފައިވާ ޕޯސްޓުގައި ވިދާޅުވެފައި ވަނީ ނިއު ރޭޑިއަންޓުގެ ކޯޗަކަށް ސުޒޭން ހަމަޖެއްސުމަކީ ކުޅިވަރުގައި ޙާސިލު ނުވެ އޮތް ކަމެއް ކަމަށް، އެ ކުލަބުގެ ބާނީ ކުއީން ވަޙީދު ވިދާޅުވެފައިވާ ކަމަށެވެ.
2016 ވަނަ އަހަރު ކުއީން ވަޙީދު އެހެން ވިދާޅުވީ އޭނާގެ ގޭގައި އިންނަވައި ކަމަށާއި، ކުޅިވަރުގައި ޙާސިލު ނުވެ އޮތީ ދެ ކަމެއް ކަމަށް ކުއީން ވަޙީދު ވިދާޅުވެފައިވާ ކަމަށް އަޒްމީންގެ ޕޯސްޓުގައިވެ އެވެ. އެގޮތުން ފުރަތަމަ ކަމަކީ ނިއު ރޭޑިންޓަށް ބޭރުން ތައްޓެއް ހޯދުން ކަމަށާއި، ދެ ވަނަ ކަމަކީ ނިއު ރޭޑިއަންޓުގެ ކޯޗަކަށް ސުޒޭން ހަމަޖެއްސުން ކަމަށް ކުއީން ވަޙީދު ވިދާޅުވެފައިވާ ކަމަށް ފާހަގަ ކޮށްފައިވެ އެވެ.
ނިއު ރޭޑިއަންޓުގެ ކޯޗަކަށް ސުޒޭން ހަމަޖެއްސުމަކީ ޙާސިލު ކުރަން ބޭނުންވާ ކަމަކަށް ވަނީ ކީއްވެތޯ ސުވާލު ކުރުމުން، އެއީ ސުޒޭން އަބަދު ނިއު ރޭޑިއަންޓަށް އެއްޗިސް ކިޔާތީ ކަމަށް ވެސް ކުއީން ވަޙީދު ވިދާޅުވެފައިވާ ކަމަށް އަޒްމީންގެ ޕޯސްޓުގައިވެ އެވެ.
މީގެ އިތުރުން އެ ދުވަހުގެ އެ ވާހަކަ އަކީ ކުއީން ވަޙީދުގެ ވަސިއްޔަތެއްގެ ގޮތުގައި ސިއްރު ކޮށްފައި ބޭއްވުމަށް ވެސް އަޒްމީންގެ ކިބައިން އެދިފައިވާ ކަމަށް ވިދާޅުވެފައިވެ އެވެ. ނަަމަވެސް، ކުއީން ވަޙީދު ދުނިޔޭގައި ނެތް ދުވަހަކުން ނަމަވެސް، އެކަން ހަގީގަތަކަށް ވެއްޖެ ނަމަ، އެ ވާހަކަ ލިޔުމަށް ވެސް އެދިވަޑައިގެންފައިވާ ކަމަށް އަޒްމީން ވަނީ ވިދާޅުވެފަ އެވެ.
ނިއު ރޭޑިންޓުގެ މެނޭޖުމަންޓާ އައު ވެރިންތަކެއް ހަވާލުވެ، އެ ކުލަބު ވަރުގަދަ ކުރުމަށް ކުރަމުން އަންނަ މަސަައްކަތުގެ ތެރެއިން ވަނީ، ނިއު ރޭޑިއަންޓުގެ ކޯޗަކަށް ސުޒޭން ހަމަޖައްސައިފަ އެވެ. އަންގާރަ ދުވަހުގެ ރޭ އޮތް ޚާއްސަ ހަފްލާއެއްގައި ވަނީ ނިއު ރޭޑިއަންޓުގެ ކޯޗުކަމާ ރަސްމީކޮށް ސުޒޭން ހަވާލުވެފަ އެވެ.
އެންމެ ފަހުން ސުޒޭން ހުރީ ރާއްޖޭގެ ސީނިއާ ޤައުމީ ފުޓުބޯޅަ ޓީމުގެ ކޯޗަކަށެވެ. މީގެ ކުރިން ވެސް ރާއްޖޭގެ ގިނަ ކުލަބުތަކަށް އިރުޝާދު ދީފައިވާ ސުޒޭން އަކީ މިވަގުތު ރާއްޖޭގައި ހުރި އެންމެ އިތުބާރު، އަދި އެންމެ ތަޖުރިބާކާރު އެއް ކޯޗެެވެ. ނިއު ރޭޑިއަންޓުގެ ކޯޗަކަށް ސުޒޭން ހަމަޖައްސާފައިވާއިރު، އެ ކުލަބު އަލުން ފުރަތަމަ ޑިވިޝަން އަށް އަންނަ ވާހަކަތައް ވެސް ދަނީ ދެކެވެމުންނެވެ.
