ދެވަނަ މެޗު ވެސްޓް އިންޑީސްއިން ކާމިޔާބު ކޮށްފި

އިންގްލޭންޑާއި ވެސްޓް އިންޑީސްއާއި ދެމެދު ކުރިޔަށްދާ ޓެސްޓް ސީރީސްގެ ދެވަނަ މެޗު ވެސްޓް އިންޑީސްއިން ކާމިޔާބު ކޮށްފިއެވެ.

އަންގާރަ ދުވަހު ކުޅުނު މި ޓެސްޓް ސީރީސްގެ ދެވަނަ މެޗު އިންގްލޭންޑާ ވާދަކޮށް ވެސްޓް އިންޑީސް އިން ކާމިޔާބު ކުރީ ފަސް ވިކެޓުންނެވެ.

ދެވަނަ މެޗުގައި އިންގްލޭންޑުން ވަނީ 141 އޯވަރުގައި އަށް ކުޅުންތެރިން ނުބައިވެގެން 490 ލަނޑު ހަދާފައެވެ. މި މެޗުގައި އިންގްލޭންޑުގެ ޓީމުން އެންމެ ރަނގަޅަށް ބެޓް ކޮށްފައިވަނީ 93 ބޯޅައިން 84 ލަނޑު ހެދި މޮއީން އަލީއެވެ. ޖަވާބުގައި ކުޅެންއަރައި ވެސްޓް އިންޑީސްއިން ވަނީ 91 އޯވަރުގެ ތެރޭގައި ފަސް ކުޅުންތެރިން ނުބައިވެގެން 322 ލަނޑު ހަދާފައެވެ. ވެސްޓް އިންޑީސްއިން އެންމެ ރަނގަޅަށް ބެޓް ކޮށްފައިވަނީ 211 ބޯޅައިން 118 ލަނޑު ހެދި ޝައި ހޯޕްއެވެ.

މި ޓެސްޓް ސީރީސްގެ ފުރަތަމަ މެޗުގައި އިންގްލޭންޑުން ވަނީ ޓޮސް ދިމާވެގެން ކުޅެންއަރައި 70 އޯވަރުގައި ހުރިހާ ކުޅުންތެރިން ނުބައިވެގެން 258 ލަނޑު ހަދާފައެވެ. ޖަވާބުގައި ކުޅެންއަރައި ވެސްޓް އިންޑީސްއިން ވަނީ 127 އޯވަރުގައި ހުރިހާ ކުޅުންތެރިން ނުބައިވެގެން 427 ލަނޑު ހަދާފައެވެ. މި މެޗުގައި ވެސްޓް އިންޑީސްގެ ޝައި ހޯޕް ވަނީ 253 ބޯޅައިން 147 ލަނޑު ހަދާފައެވެ. އަދި ހަމަ އެ ޓީމުގެ ކްރެއިގެ ބްރެތްވައިޓް ވަނީ 249 ބޯޅައިން 134 ލަނޑު ހަދާފައެވެ.

މި ޓެސްޓް ސީރީސްގައި ބާކީ އެއް މެޗު އޮތްއިރު އިންގްލޭންޑުން ވަނީ މުޅި ޖުމްލަ 211 އޯވަރުގައި 748 ލަނޑު ހަދާ އަށް ވިކެޓު ނަގާފައެވެ. އަދި ވެސްޓް އިންޑީސްއިން ވަނީ 218 އޯވަރުގައި 749 ލަނޑު ހަދައި ފަސް ވިކެޓު ނަގާފައެވެ.

މި ސީރީސްގެ ފަހު މެޗު ކުޅުމަށް ހަމަޖެހިފައިވަނީ ސެޕްޓެމްބަރު މަހުގެ ހަތް ވަނަ ދުވަހުއެވެ.