ތާއީދެއް ނެތް ވެރިކަމެއް އޮތުމަކީ ދައުލަތުގެ މާލިއްޔަތަށް ވަރަށް ގެއްލުންހުރި ކަމެއް: ވައްޑޭ

ތާޢީދެއް ނެތް ބަޔަކު ވެރިކަމުގައި ތިބުމަކީ ދައުލަތުގެ މާލިއްޔަތަށް ނުވަތަ ރައްޔިތުން ދައްކާ ޓެކްސް ފައިސާއަށް ވަރަށް ގެއްލުންހުރި ކަމެއް ކަމަށް ރައްޔިތުން މަޖިލީހުގެ އުނގޫފާރު ދާއިރާގެ ކުރީގެ މެންބަރު މުޙައްމަދު ވަހީދު (ވައްޑޭ) ވިދާޅުވެއްޖެއެވެ.

ރާއްޖެ ޓީވީ ފަލަ ސުރުހީ ޕްރޮގްރާމުގައި ވާހަކަދައްކަވަމުން ކުރީގެ މެންބަރު ވައްޑެ ވިދާޅުވި، މިހާރު ޑރ. މުޢިއްޒަކަށް މިރާއްޖޭގައި 1 ޕަސެންޓުވެސް ތާއީދު ކުރާނެ ކަމަަށްކަށް ގަބޫލެއް ނުކުރެވޭ ކަމަށާއި ނަމަވެސް ސަރުކާރުގެ ބޮޑެތި ފުރުސަތުތަކާއި ވަޒީފަތަށް ލިބޭ މަދު ބަޔަކާއި އެމީހުންގެ އާއިލާތައް ހިމަނައިގެން 5 ވަރަކަށް ޕަސެންޓުގެ ތާއީދު އޮވެދާނެކަމަށެވެ.

ވައްޑޭ ވިދާޅުވީ އިންތިހާބެއް ނެގޭވަރު ކުރަން ސަރުކާރުން އަނެއްކާވެސް ޖެހޭނީ ސުމަކުން ފައްޓައިގެން ކޮންމެ ރަށެއްގައި އެތައް ވަޒީފާއެއް އުފައްދަން ކަމަށާއި ކޮންމެ ރަށެއްގައި އެތަށް ދޮގު ވައުދެއްގެ ބިންގާ އަޅުއްވަން ޖެހޭނެ ކަމަށެވެ. އަދި ސަރުކާރުން މިހާރު ރައްރަށަށް ފޮނުވާ ޓީމު ތަކުން ދެވަނަ ބޮޑު ސްކޭމް ހިންގުމުގެ ދިރާސާތައް ކުރައްވަމުން ގެންދަވާ ކަމަށާއި އެ ދަތުރު ތަކަކީ ރައްޔިތުންނަށް އޮޅުވާލެވޭނެ ކަންކަން ދެނެގަތުމުގެ ދަތުރުތަކެއް ކަމަށް ވައްޑޭ ފާހަގަކުރެއްވިއެވެ.

މުޢިއްޒު އެބަ ވިދާޅުވޭ ލާމަރުކަޒީ ގާނޫނަށް ބޮޑެތި ބަދަލުތަކެއް ގެންނަ ވާހަކަ، އަދި ޕީއެންސީގެ އެންމެ މެނަބަރަކަށްވެސް ސާފެއް ނުވާނެ ކޮންބަދަލުތަކެއް ކަމެއް ގެންނަނީވެސް، ކައުންސިލްތައް ކުޑަކުރަށްވާ ވާހަކަ އެބަ ވިދާޅުވޭ އަދި އެދަތުރުތަކުގައި ވަޑައިގަންނަވާ ބޭފުޅުންނަށް ވެސް އެނގިވަޑައިނުގަންނަވާނެ ކައުންސިލްގެ ހިމެނޭ މެންބަރުންގެ އަދަދަކަށް ވާނީ ކިހާވަރެއް ކަމެއްވެސް، ރަށު ކައުންސިލްތައް ބައްވާފަ އަތޮޅު ކައުންސިލްތައް އުވާލާ ވާހަކަ އެބަ ދައްކަވާ، ރައްރަށް ފަޅުކޮށްފަ މާލެ ސަރަހައްދަށް ބަދަލުކުރާ ވާހަކަ އެބަދައްކަވާ، އެއީ މިދެންނެވީ މިހާރު ދަތުރު ކުރަށްވާ ބޭފުޅުންނަށްވެސް ފުރަތަމަކަމަކަށް ވާންއުޅޭ އެއްޗެއްވެސް ސާފެއް ނުވާނެ، އެހެންވީމަ މިދެންނެވީ އެހާލަތުގައި ތިއްބަވައިގެން އެކުރައްވަނީ އަނެއްކާވެސް ބޮޑު ސްކޭމެއް،

މުޙައްމަދު ވަހީދު (ވައްޑޭ)

މީގެ އިތުރުން ވައްޑޭ ވިދާޅުވީ، ދޮގުވެރިއަކު ދޮގު ހަދާކަށް މިނެއް އިމެއް ހައްދެއް ނެތް ކަމަށާއި އެކަން އެބޭފުޅުން ކުރާއްވާނެ ކަމަށެވެ. އެހެން ނަމަވެސް ދައުރު ދެބައިވާން ގާތްވީމަ ރަށެއްގައި ކުރެވުނު އެއްވެސް ކަމެއް ނެތްކަން ރައްޔިތުންނަށް ސާފުވާނެ ކަމަށް ވައްޑޭ ވިދާޅުވިއެވެ.

އެންމެ ބޮޑު އެއް މައްސަލައިގެ ގޮތުގައި މިހާރު އޮތީ މާލެ ސަރަހައްދުގެ ބޯހިޔާވަހިކަން ކަން ފާހަގަކުރަށްވާ ވައްޑޭ ވިދާޅުވީ، މިސަރުކާރުގެ ޕްރޮގްރާމަކުން ނުވަތަ މިސަރުކާރުން އަޅުއްވަން ފެއްޓެވި އެންމެ ފްލެޓެއްވެސް ނެތް ކަމަށެވެ. ވައްޑެ ފާހަގަކުރެއްވި ގޮތުގައި މިހާރުވެސް ހިނގަމުންދަނީ އެމްޑީޕީގެ ސަރުކާރުން ފެއްޓެވި މަޝްރޫޢުތަކެވެ. ވައްޑެ ވިދާޅުވީ ދޮގު މައްޗަށް ބައިވަރު ދޮގު ހެދުން ނޫން ގޮތެއް ކުރިއަށް އޮތް އިންތިހާބުގައި އެބޭފުޅުންނަށް ނޯންނާނެކަމަށެވެ.