ޙިޖުރީ އައު އަހަރުގެ ތަޙުނިޔާ ރައީސް ޞާލިޙު ފޮނުއްވައިފި
26 ޖޫން 2025 | ބުރާސްފަތި 04:39މި ފެށުނު 1447 ވަނަ އަހަރަކީ ދިވެހިންނަށާއި، ދިވެހި ރާއްޖެ އަށް އަދި މުޅި އިސްލާމީ އުންމަތަށް ބާއްޖަވެރިކަމަށާއި ތަނަވަސްކަން ގެނެސްދޭނެ އުފާވެރި އަހަރެއް ކަމުގައި ލެއްވުން އެދި އެމަނިކުފާނު ވަނީ ދުޢާ ދަންނަވާފައެވެ.
ކުރީގެ ރައީސް އިބްރާހީމް މުޙައްމަދު ޞާލިޙް
މިއަދު ފެށުނު ޙިޖުރީ އައު އަހަރުގެ ހެޔޮ އެދުމާއި ތަޙުނިޔާ، ކުރީގެ ރައީސް އިބްރާހީމް މުޙައްމަދު ޞާލިޙު (އިބޫ) ކިޔުއްވައިފި އެވެ.
ބުރާސްފަތި ދުވަހުގެ ހެނދުނު، ރައީސް ޞާލިޙު އެމަނިކުފާނުގެ ރަސްމީ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވީ ޙިޖުރީ އައު އަހަރުގެ ތަޙުނިޔާ އާއި ހެޔޮ އެދުންތައް ދިވެހި ރާއްޖޭގެ ލޮބުވެތި ރައްޔިތުންނާއި، އިސްލާމީ އުންމަތުގެ އަޚުންނާއި އުޚުތުންނަށް އަރިސް ކުރައްވާ ކަމަށެވެ.
މީގެ އިތުރުން މި ފެށުނު 1447 ވަނަ އަހަރަކީ ދިވެހިންނަށާއި، ދިވެހި ރާއްޖެ އަށް އަދި މުޅި އިސްލާމީ އުންމަތަށް ބާއްޖަވެރިކަމަށާއި ތަނަވަސްކަން ގެނެސްދޭނެ އުފާވެރި އަހަރެއް ކަމުގައި ލެއްވުން އެދި އެމަނިކުފާނު ވަނީ ދުޢާ ދަންނަވާފައި އެވެ.
ރައީސް ޞާލިޙުގެ އިތުރުން އެމްޑީޕީގެ ޗެއާޕާސަން ފައްޔާޟް އިސްމާއީލް އާއި އެ ޕާޓީގެ ރައީސް ޢަބްދުﷲ ޝާހިދުގެ އިތުރުން، ކުރީގެ ރައީސް މުޙައްމަދު ނަޝީދު ވެސް ވަނީ ޙިޖުރީ އައު އަހަރުގެ ހެޔޮ އެދުމާއި ތަޙުނިޔާ އަރިސް ކުރައްވައި ޕޯސްޓު ކުރައްވައިފަ އެވެ.
