ސުޕަ ކަޕް ފޯ ނޭޝަންގެ ނަމުގައި ލަންކާ އިން މުބާރާތެއް ބާއްވަނީ
17 ޖޫން 2025 | އަންގާރަ 06:54މިއީ ސްރީ ލަންކާ އިން ބާއްވާ އިންވިޓޭޝަނަލް މުބާރާތެކެވެ. މި މުބާރާތް ބާއްވަނީ މިއަހަރު ލަންކާގައި ބާއްވަން ހަމަޖެހިފައި އޮތް ސަރަހައްދީ ފުޓުބޯޅަ މުބާރާތް (ސާފް ޗެމްޕިއަންޝިޕް)، ނުބާއްވަން ނިންމުމުން، އޭގެ ބަދަލުގައި އެ ޤައުމުން ރާވާ މުބާރާތެކެވެ.
ސްރީ ލަންކާ އިން މިވަގުތު ނިންމާފައި އޮތީ މުބާރާތުގެ ދައުވަތު ރާއްޖެ އާއި އިންޑިއާ އަދި ބަންގްލަދޭޝް އަށް ދިނުމަށް ކަމަށް ވެސް ވަނީ ހާމަކޮށްފަ އެވެ.
އިންޑިއާ އާއި ދިވެހި ރާއްޖެ ބައްދަލު ކުރި ބައިނަލްއަޤުވާމީ ރަޙުމަތްތެރި ކަމުގެ މެޗުގެ ތެރެއިން
"ސުޕަ ކަޕް ފޯ ފުޓުބޯޅަ ޗެމްޕިއަންޝިޕް"ގެ ނަމުގައި އަވަށްޓެރި ސްރީ ލަންކާ އިން މުބާރާތެއް ބާއްވަން ނިންމައިފި އެވެ.
މިއީ ސްރީ ލަންކާ އިން ބާއްވާ އިންވިޓޭޝަނަލް މުބާރާތެކެވެ. މި މުބާރާތް ބާއްވަނީ މިއަހަރު ލަންކާގައި ބާއްވަން ހަމަޖެހިފައި އޮތް ސަރަހައްދީ ފުޓުބޯޅަ މުބާރާތް (ސާފް ޗެމްޕިއަންޝިޕް)، ނުބާއްވަން ނިންމުމުން، އޭގެ ބަދަލުގައި އެ ޤައުމުން ރާވާ މުބާރާތެކެވެ.
މި މުބާރާތުގެ ދައުވަތު ލަންކާ އިން ސާފްގެ ޤައުމުތަކަށް ދޭނެ ކަމަށް ވަނީ ބުނެފަ އެވެ. އެގޮތުން ސްރީ ލަންކާގެ ފުޓުބޯޅަ ފެޑެރޭޝަންގެ ރައީސް ޖެސްވާރު އުމަރު ވިދާޅުވެފައި ވަނީ، ލަންކާ އިން ބާއްވާ އެ މުބާރާތަކީ ދެކުނު އޭޝިއާގެ ޤައުމުތަކަށް ބާއްވާ މުބާރާތަކަށް ހަދަން ބޭނުންވާ ކަމަށެވެ.
ސްރީ ލަންކާ އިން މިވަގުތު ނިންމާފައި އޮތީ މުބާރާތުގެ ދައުވަތު ރާއްޖެ އާއި އިންޑިއާ އަދި ބަންގްލަދޭޝް އަށް ދިނުމަށް ކަމަށް ވެސް ވަނީ ހާމަކޮށްފަ އެވެ. އަދި ލަންކާ އިން ބާއްވާ މި މުބާރާތުގެ މަޤުސަދަކީ ސަރަަހައްދުގެ ފުޓުބޯޅަ އިތުރަށް ކުރިއަރުވައި، ފުޓުބޯޅައިގެ ފޯރި ގަދަ ކުރުން ކަމަށް ވެސް ބުނެފައިވެ އެވެ.
ކުރިން ރާވާފައި އޮތީ ޖޫން މަހުގެ ތެރޭގައި ސާފް ޗެމްޕިއަންޝިޕް ކުރިއަށް ގެންދިޔުމަށެވެ. އެގޮތުން ޖޫން މަހުގެ 22 ވަނަ ދުވަހުން ފެށިގެން، ޖުލައި މަހުގެ ފަސް ވަނަ ދުވަހަށް ސާފް ޗެމްޕިއަންޝިޕް ކުރިއަށް ގެންދަން އޮތީ ސްރީ ލަންކާގަ އެވެ.
ނަމަވެސް، 2026 ވަނަ އަހަރަށް ސާފް ޗެމްޕިއަންޝިޕް މިހާރު ވަނީ ފަސްކޮށްފަ އެވެ. އަދި އޭގެ ބަދަލުގައި ލަންކާ އިން އިންވިޓޭޝަނަލް މުބާރާތެއް ބާއްވަން މަސައްކަތް ކުރަމުން އަންނަ ކަމަށް މީގެ ކުރިން ވެސް އޮތީ ރިޕޯޓު ކޮށްފަ އެވެ.
މިއަހަރުގެ މުބާރާތުގެ މާކެޓިން ޕާޓްނަރަކަށް ހަމަޖައްސާފައި ވަނީ ސްޕޯޓްސްފައިވް އެވެ. އެ ކުންފުނިން ބޭނުން ވަނީ މުބާރާތް ހޯމް އެންޑް އަވޭ އުސޫލުން ކުރިއަށް ގެންދިޔުމަށެވެ. އެހެން ނަމަވެސް، މިއަހަރުގެ މުބާރާތް އެ އުސޫލުގެ ދަށުން ކުރިއަށް ގެންދެވެން ނެތީ އެވެ.
