ރާއްޖޭގައި ކުރިއަށް ދިޔަ 16 އަހަރުން ދަށުގެ އޭޝިއަން ކަޕް ސާބާ ކޮލިފައިންގެ ރޭންކިން މެޗުގައި ބަންގްލަދޭޝްއާ ދެކޮޅަށް ކުޅުނު މެޗުން ރާއްޖޭގެ ފިރިހެން ޓީމު ބަލިވެއްޖެ އެވެ.

ޒުވާނުންގެ މަރުކަޒުގެ އެތެރޭ ކޯޓުގައި ކުޅުނު ރޭންކިން މެޗުގައި ބަންގްލަދޭޝް އަތުން ރާއްޖެ ބަލިވެފައި ވަނީ 75-42 އިންނެވެ. މިއީ ބަންގްލަދޭޝް އަތުން މުބާރާތުގައި ރާއްޖެ ބަލިވި ދެ ވަނަ ފަހަރެވެ.

މުބާރާތުގައި ރާއްޖެ އިން ކުޅުނު ފުރަތަމަ މެޗުގައި ސްރީ ލަންކާ އަތުން ވަނީ ބަލިވެފަ އެވެ. ދެ ވަނަ މެޗުގައި އިންޑިއާ އަތުން ބަލިވީއިރު، ތިން ވަނަ މެޗުގައި ވަނީ ބަންގްލަދޭޝް އަތުން ބަލިވެފަ އެވެ.

މެޗުގެ ފުރަތަމަ ކުއާޓަރު ނިމުނުއިރު ބަންގްލަދޭޝް ލީޑު ކުރަމުން ދިޔައީ 20-11 އިންނެވެ. އދަި ދެ ވަނަ ކުއާޓަރުގަައި ވާދަވެރި ކުޅުމަކަށް ފަހު، މި ކުއާޓަރު ނިމުނުއިރު ބަންގްލަދޭޝް ލީޑު ކުރަމުން ދިޔައީ 18-16 އިންނެވެ.

މެޗުގެ ތިން ވަނަ ކުއާޓަރު ނިމުނުއިރު، މި ކުއާޓަރުގައި ލީޑު ކުރީ ރާއްޖެ އިންނެވެ. އެގޮތުން ތިން ވަނަ ކުއާޓަރު ރާއްޖެ އިން ނިންމާލީ، 06-10 އިންނެވެ. ނަމަވެސް ހަތަރު ވަނަ ކުއާޓަރުގައި ބަންގްލަދޭޝް އިން ވަނީ ތަފާތު ބޮޑު ކޮށްފަ އެވެ. ބަންގްލަދޭޝް އިން ހަތަރު ވަނަ ކުއާޓަރު ނިންމާލީ 31-05 ގެ ލީޑަކުންނެވެ.