އީރާނުގެ ވަރުގަދަ ހަމަލާއެއް - ހައިފާ އާއި ތެލް އަވީވް އަށް މިސައިލްގެ ވާރޭ ވެހެނީ
"މި ހަމަލާއިން އެ ސަރަހައްދުގެ ރައްޔިތުންގެ ނިދި ނަގާލާނެ" ކަމަށް އީރާނުގެ ދައުލަތުގެ ޓީވީން ބުނޭ
އީރާނުން ފޮނުވާ މިސައިލްތައް ޖެރޫސަލަމް ގެ އުޑުމަތިން ފެންނަ ގޮތް - ޖޫން 14, 2025
އީރާނުގެ ދައުލަތުގެ ޓީވީން އިޢުލާނުކުރި ގޮތުގައި، އެ ޤައުމުން ހޮނިހިރު ދުވަހުގެ ރޭ އިސްރާއީލަށް އަމާޒުކޮށް "ޓްރޫ ޕްރޮމިސް އޮޕަރޭޝަން ތްރީ" ގެ ދެވަނަ ބުރު ފަށައިފިއެވެ.
ދައުލަތުގެ ޓީވީން ބުނި ގޮތުގައި މިފަހަރުގެ ހަމަލާގައި ހިމެނެނީ ޑްރޯންތަކާއި "100 އަށްވުރެ ގިނަ" މިސައިލްތަކެވެ. އަދި މި ހަމަލާގެ މައިގަނޑު އަމާޒަކީ ހައިފާ އާއި ތެލް އަވީވްއެވެ.
"މި ހަމަލާއިން އެ ސަރަހައްދުގެ ރައްޔިތުންގެ ނިދި ނަގާލާނެ" ކަމަށް ދައުލަތުގެ ޓީވީން ބުންޏެވެ.
އިސްރާއީލްގެ ފަޔަރ އެންޑް ރެސްކިއުއިން ބުނާ ގޮތުގައި އެ ޤައުމުގެ އުތުރާއި އައްސޭރި ފަށުގެ ސަރަހައްދުތަކުގައި އެކި ހާދިސާތަކަށް ހިނގާފައިވެއެވެ.
އިސްރާއީލުން ބުނެފައިވަނީ، އީރާނުން ދިން އައު މިސައިލް ހަމަލާގެ ސަބަބުން، އެ ޤައުމުގެ އައްސޭރި ފަށުގެ އަދި އުތުރު ސަރަޙައްދުތަކުގައި މީހުން ދިރިއުޅޭ އިމާރާތްތަކަށް ހަމަލާ އަމާޒުވެ، އަލިފާން ރޯވެފައިވާ ކަމަށެވެ.
އިސްރާއީލު ފުލުހުން ބުނެފައިވަނީ އުތުރު ސަރަޙައްދުގެ އާބާދީއެއްގެ ތެރެއަށް ގޮވާ އެއްޗެއް ވެއްޓިފައިވާކަމުގެ ރިޕޯޓުތަކެއް ލިބިފައިވާ ކަމަށެވެ.
އެ ބަޔާނުގައި ބުނެފައިވާ ގޮތުގައި، ފުރަތަމަ ލިބުނު ރިޕޯޓުތަކުން ދައްކާ ގޮތުގައި އެ ސަރަޙައްދުގައި އެތައް ބަޔަކަށް ގެއްލުން ލިބި އަދި އިމާރާތްތަކަށް ގެއްލުންތަކެއް ވެފައިވާ ކަމަށެވެ.
