ބުޅަލުގެ މައްސަލަ ހައްލު ނުވެ ސަރުކާރުން ޖަމިއްޔާތަކާއި މަޝްވަރާކޮށްފި
11 މެއި 2025 | އާދީއްތަ 18:13މާލޭގެ އެކި ސަރަހައްދުތަކުގައި ބުޅަލުގެ ނަޖިސް ގިނަވެ އާންމު އުނދަގުލަކަށް ވެފައިވުމުން އެކަން ހައްލުކުރުމަށް ކުރެވިދާނެ ކަންކަމާއި ބެހޭގޮތުންވެސް ވަނީ މަޝްވަރާކޮށްފައި
ބުޅަލުގެ މައްސަލަ ހައްލު ކުރުމަށް ޖަމިއްޔާތަކާއި އެކު ބޭއްވި މަޝްވަރާގެ ތެރެއިން
ބުޅަލުގެ މައްސަލަ ހައްލު ނުވެ ސަރުކާރުން ޖަމިއްޔާތަކާއި މަޝްވަރާކޮށްފިއެވެ.
ދަނޑުވެރިކަމާއި ދިރޭތަކެއްޗާ ބެހޭ ވުޒާރާ އިން ބުނީ މާލެ ސަރަހައްދުގައި އުޅޭ ބުޅާތަކުގެ މައްސަލައިގައި އެކަމާއި ގުޅުންހުރި ޖަމިއްޔާތަކާއި އެކު އެ ވުޒާރާއިން މަޝްވަރާކޮށްފައިވާ ކަމަށެވެ.
މި މަޝްވަރާގައި، މާލޭގެ އެކި ސަރަހައްދުތަކުގައި ވީއްލިގެން އުޅެމުންދާ ބުޅާތަކުގެ މައްސަލަ ހައްލުކުރުމާއި ގުޅޭގޮތުން ވަނީ މަޝްވަރާކޮށްފައެވެ. އެގޮތުން މާލޭގެ އެކި ސަރަހައްދުތަކުގައި ބުޅަލުގެ ނަޖިސް ގިނަވެ އާންމު އުނދަގުލަކަށް ވެފައިވުމުން އެކަން ހައްލުކރުމަށް ކުރެވިދާނެ ކަންކަމާއި ބެހޭގޮތުންވެސް ވަނީ މަޝްވަރާކޮށްފައެވެ.
މީގެ އިތުރުން މި ބައްދަލުވުމުގައި "އޮޅުހިޔާ" އިތުރަށް ތަރައްޤިކުރުމަށް މިހާރު ކުރެވެމުންދާ މަސައްކަތްތަކުގެ އެންމެ ފަހުގެ މައުލޫމާތުތައްވެސް ޖަމިއްޔާތަކާއި ވަނީ ހިއްސާކޮށްފައެވެ. މި ބައްދަލުވުމުގައި މި ވުޒާރާގެ ކަމާއި ގުޅުހުންހުރި ބޭފުޅުންނާއި ސްޓޭޓް މިނިސްޓަރުން ބައިވެރިއެވެ.
މިނިސްޓްރީން މި މަޝްވަރާތައްކޮށްފައިވަނީ "އޮޅުހިޔާ" މިނިސްޓްރީއާއި ހަވާލުކޮށް މާލޭގެ މަގުތަކުގައި އުޅޭ ބުޅާތަކުގެ މައްސަލައަށް ހައްލެއް ނުލިބި އެތަކެއް ދުވަސްވި ފަހުންނެވެ.
މިހާތަނަށް އައި އިރު މި މައްސަލައަށް ހައްލެއް ލިބިފައިނުވާ އިރު، އެތަނަށް ލާފައިވަނީ އެންމެ 15 ބުޅަލެވެ.
