އިސްރާއީލް އިން ޣައްޒާ ގައި ހިންގަމުން އަންނަ ހަނގުރާމައާ ގުޅިގެން، ފްރާންސް ސަރުކާރުގެ އެހީތެރިކަމާ އެކު ޣައްޒާގެ 115 މީހަކަށް މި ހަފުތާގެ ތެރޭގައި ރައްކާތެރިކަން ފޯރުކޮށްދީފި އެވެ.

ފްރާންސްގެ ޚާރިޖީ ވުޒާރާ އިން ބުނެފައިވާ ގޮތުގައި، މި ހަފުތާގެ ތެރޭގައި ޣައްޒާ އިން 115 މީހަކު ސަލާމަތްކޮށް، ރައްކާތެރިކަމާ އެކު ފްރާންސް އަށް ގެންގޮސްފައިވާ ކަމަށެވެ. 

ހުކުރު ދުވަހު ޚާރިޖީ ވުޒާރާ އިން އެކަން ހާމަކޮށްފައިވާއިރު، އެ މީހުންނަށް ސަލާމަތްތެރިކަން ދީފައި ވަނީ ޣައްޒާގައި ހިނގަމުންދާ ހަނގުރާމައިގެ ސަބަބުން އިންސާނީ ބޮޑު ޙާލަތަެއް ކުރިމަތިވެފައިވާ ދަނޑިވަޅެއްގަ އެވެ. 

ފްރާންސްގެ ސަރުކާރުން ބުނެފައިވާ ގޮތުގައި ޣައްޒާގެ ރައްޔިތުން، އެމީހުންގެ ނުރުހުމުގައި އެ ސަރަަހައްދުން ބޭރު ކުރުމަކީ ކޮށްގެން ވާނެ ކަމެއް ނޫނެވެ. އަދި އެ ރައްޔިތުން އެ ސަރަހައްދުން ނެރުމަކީ އިންސާނީ ހައްގުތަކަށް އުނި ކަމެއް އަންނާނެ ކަމެއް ކަމަށް ވެސް ފްރާންސް ސަރުކާރުން ބުނެފައިވެ އެވެ.

އަދި މިފަދަ މަޖުބޫރު ބަދަލު ކުރުން ތަކަކީ ބައިނަލްއަޤްވާމީ ޤާނޫނުތަކާ ޚިލާފު ކަމެއް ކަމަށް ވެސް އެ ސަރުކާރުން ވަނީ ފާހަގަކޮށްފަ އެވެ.

ފްރާންސް ސަރުކާރުން މި މައްސަލައިގައި އަޅާ ފިޔަވަޅުތައް ކުރިއަށް އޮތް ތަނުގައި ވެސް ޣައްޒާގެ އިންސާނީ ހައްޤުތައް ހިމާޔަތް ކުރުމަށް އަމާޒު ކުރެވިގެންދާނެ ކަމަށް އެ ސަރުކާރުން ބުނެފައިވެ އެވެ.