ނުކުޅެދުންތެރިކަން ހުންނަ ފަރާތްތަކުގެ ހައްގުގައި ހިމޭން އިހުތިޖާޖެއް ކުރަނީ
ނުކުޅެދުންތެރިކްނަ ހުންނަ ފަރާތްތަކުގެ ހައްގުގައި ކުރާ "ހަމަހިމޭން އިހުތިޖާޖް" ކުރިއަށް ގެންދިޔުމަށް ހަމަޖެހިފައި ވަނީ ހޮނިހިރު ދުވަހުގެ ހަވީރު 4:30 އިން އިރުއޮއްސި 06:00 ޖެހުމާ ހަމައަށް އާޓިފިޝަލް ބީޗުގަ
ނުކުޅެދުންތެރިކަން ހުންނަ ފަރާތްތަކަށް އެ ފަރާތްތަކުގެ ހައްގުގައި ހޮނިހިރު ދުވަހުގެ ހަވީރު އާޓިފިޝަލް ބީޗުގައި އިހުތިޖާޖު ކުރަން ވަނީ ރާވާފަ
ނުކުޅެދުންތެރިކަން ހުންނަ ފަރާތްތަކަށް ސަރުކާރުން އިހުމާލުވެފައިވާ ކަމަށް ބުނަމުންދާ ދަނޑިވަޅެއްގައި، އެ ފަރާތްތަކުގެ ހައްގުގައި ހިމޭން އިހުތިޖާޖުގެ ނަމުގައި އިހުތިޖާޖު ކުރަން ނިންމައިފި އެވެ.
ނުކުޅެދުންތެރިކްނަ ހުންނަ ފަރާތްތަކުގެ ހައްގުގައި ކުރާ "ހަމަހިމޭން އިހުތިޖާޖް" ކުރިއަށް ގެންދިޔުމަށް ހަމަޖެހިފައި ވަނީ ހޮނިހިރު ދުވަހުގެ ހަވީރު 4:30 އިން އިރުއޮއްސި 06:00 ޖެހުމާ ހަމައަށް އާޓިފިޝަލް ބީޗުގައެވެ.
ނުކުޅެދުންތެރިކަން ހުންނަ ފަރާތްތަކަށް އެ ފަރާތްތަކުގެ ހައްގުތައް ހޯދައިފިނުމަށް ގޮވާލައި އިހުތިޖާޖު ކުރަން ނިންމާފައި ވާއިރު، ނުކުޅެދުންތެރިކަން ހުންނަ ކުދިންނަށް ދައުލަތުން ފޯރުކޮށްދިނުމަށް ގާނޫނުތަކުން ލާޒިމު ކުރާ ހާއްސަ ރައްކާތެރިކަމާއި މާލީ އެހީތެރިކަމުގެ އިތުރުން ބޭސްފަރުވާ ފޯރުކޮށްދިނުމުގައި ސަރުކާރުން އިހުމާލުވާ ކަމަށް ބުނެ 46 ބެލެނިވެރިން ސޮއިކޮށް މަޖިލީހަށް ވަނީ ޕެޓިޝަނެއް ވެސް ހުށަހަޅާފައެވެ.
ބެލެނިވެރިން ސޮއިކޮށް ހުށަހެޅި އެ ޕެޓިޝަންގައި އެދިފައި ވަނީ ނުކުޅެދުންތެރިކަން ހުންނަ ކުދިންނަށް ދައުލަތުން ފޯރުކޮށްދޭން ޖެހޭ މާލީ އެހީތެރިކަމާއި ހާއްސަ ރައްކާތެރިކަން ފޯރުކޮށްދިނުމަށް ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ނުކުޅެދިފައިވާ ސަބަބު ތަހުގީގު ކޮށްދިނުމަށެވެ.
ޕެޓިޝަނުގައި ބުނެފައި ވަނީ އެ މައްސަލަތަކަށް ހައްލު ނުލިބުމުގެ ސަބަބުން ފަރުވާ ދޭންޖެހޭ ބައެއް ކުދިންގެ ހާލަތު އިހުނަށްވުރެ ގޯސްވެ، ރިގްރެޝަނަށް ގޮސް އެ ކުދިންގެ އާންމު ހާލަތު ގޯސްވެ، ނަފްސާނީ ގޮތުންނާއި ޖިސްމާނީ ގޮތުން އިއާދަ ނުކުރެވޭވަރުގެ ގެއްލުން ލިބެމުންދާ ކަމަށެވެ.
ނުކުޅެދުންތެރިކަން ހުންނަ ކުދިންނަށް އެމ ކުދިންގެ ހައްޤުތައް ހޯދައިދިނުމަށް އެދި ބެލެނިވެރިން ސިއިކޮށް މަޖިލީހަށް ޕެޓިޝަނެއް ހުށަހަޅާފައިވާއިރު، ނުކުޅެދުންތެރިކަން ހުންނަ ފަރާތްތަކަށް ވަމުންދާ އިހުމާލުތައް ސަރުކާރުގެ ސަމާލު ކަމަށް ގެނައުމަށް ގަލޮޅު އުތުރު ދާއިރާގެ އެމްޑީޕީ މެންބަރު، މުހައްމަދު އިބްރާހިމް ވެސް ވަނީ މަޖިލީހަށް މައްސަލައެއް ހުށަހަޅާފައެވެ.
އެހެން ނަމަވެސް މިދިޔަ އަންގާރަ ދުވަހު މުޙައްމަދު އިބުރާހީމް މަޖިލީހަށް ހުށަހެޅި މި މައްސަލަ ސަރުކާރު ހިންގާ ޕީއެންސީގެ ސުޕަ މެޖޯރިޓީ ބޭނުންކޮށްގެން އެ މައްސަލަ ވަނީ ބޭރުކޮށްލައިފަ އެވެ.
