ހުޅުމާލޭގައި ހިންގި މާރާމާރީގައި ހައްޔަރުކުރި ނޭޕާލް މީިހާގެ ބަންދަށް 6 ދުވަސް

ހުޅުމާލޭގައި ހިންގި މާރާމާރީގައި ހައްޔަރުކުރި މީހާގެ ބަންދަށް 6 ދުވަސް ޖަހައިފިއެވެ.

ފުލުހުން ބުނީ ހުޅުމާލެ ފޭސް-1 ގައި ހުންނަ ކެފޭއެއްގައި ދެ ބިދޭސީންގެ މެދުގައި ހިނގި މާރާމާރީއެއްގެ މައްސަލަ ހުކުރު ދުވަހުގެ ރޭ 10:08 ހާއިރު ރިޕޯޓުކޮށްފައިވާ ކަމަށެވެ.

މި މާރާމާރީ ހިންގާފައިވަނީ ނޭޕާލް މީހަކާއި، ބަންގްލަދޭޝް މީހެއްގެ މެދުގައި ކަމަށާއި، އެއީ ދެ ފިރިހެނުން ކަމަށް ފުލުހުން ބުނެއެވެ.

ފުލުހުން ބުނީ މި މާރާމާރީގައި ބަންގްލަދޭޝް މީހާއަށް އަނިޔާވެފައިވާ ކަމަށާއި، ނަމަވެސް ސީރިއަސް އަނިޔާއެއް ނުލިބޭ ކަމަށެވެ.

މީގެ އިތުރުން ފުލުހުން ބުނީ މި މައްސަލައާ ގުޅިގެން ނޭޕާލް މީހާ ފުލުހުންގެ ބެލުމުގެ ދަށަށް ގެނެސްފައިވާ ކަމަށާއި، އެމީހާ ބަންދަށް ކްރިމިނަލް ކޯޓުން 6 ދުވަސް ޖަހާފައިވާ ކަމަށެވެ.

މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.